Acta Apostolicae Sedis - Commentarium Officiale892

Eius serena et iucunda indoles conferebat ad fiduciae et communionis

auram creandam, immo proposita et opera peculiariter valida eius spiritua-

litate provehebantur. Etenim in ea profunda advertitur religiosa experientia,

quam vivida conscientia praesentiae Dei gessit nec non constanti inquisitione

eius voluntatis, et apud fontes orationis et contemplationis sustentata; sin-

cero et prompto animo ad exigentias proximi, maxime indigentiorum; vivida

apertura ad quaestiones nostrae aetatis; tandem propensione ad perfectio-

nem, eo ut assiduum et fervens humanarum christianarumque virtutum exer-

citium assequeretur.

Anno 1994 certior facta est tumore affici, quapropter chirurgiam subire

debuit. Dei voluntati obtemperans, et animi fortitudine suffulta morbum

patienter oppetivit; et sic quattuor per annos omni deditione operari perrexit.

Extremis tamen diebus vitae, cum dolores increbruissent, in Dei bonitatem

fiduciam renovavit, ad occursum Sponsi se praeparans.

Die 31 mensis Octobris anno 1998 Hispali in Primaria Instituti Domo

placide animam exhalavit. Eius exsequiis innumeri interfuerunt sacerdotes

et religiosae, adstante simul magna fidelium multitudine: quod testimonium

exstitit famae sanctitatis qua Serva Dei vivens circumdabatur.

Hac perpensa sanctitatis fama, Inquisitio dioecesana Hispali instructa est

a die 20 mensis Februarii ad diem 15 mensis Novembris anno 2004, cuius

iuridicam auctoritatem Congregatio de Causis Sanctorum agnovit per Decre-

tum die 2 mensis Iulii anno 2005 editum. Apparata Positione, uti de more

disceptatum est num Serva Dei heroicum in gradum virtutes excoluisset.

Congressus Peculiaris Consultorum Theologorum, die 6 mensis Iunii anno

2008 habitus, faventem tulit sententiam. Patres Cardinales et Episcopi in

Sessione Ordinaria die 2 mensis Decembris anno 2008 congregati, audita

relatione Ponentis Causae, Exc.mi D.ni Hieronymi Grillo, Episcopi emeriti

Centumcellarum-Tarquiniensis, edixerunt Servam Dei theologales, cardinales

eisque adnexas virtutes heroum in modum esse exsecutam.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico, Servae Dei Mariae