Acta Congregationum 529

eius condiciones gravissimae omnino efficiebantur, valetudinis statu usque

ingravescente: augmentum oedematis cerebri, sanguinis eruptio, praesen-

tia foculariorum contusivorum, alterationes ischaemicae, apparitio status

vegetativi cum tetraplegia spastica. A matre consensus postulatus est ut

ad chirurgicam operationem procederetur quae perdifficilis videbatur at-

que minima dabatur spes felicis exitus. Ab initio istius tragici eventus,

mater suam direxit invocationem ad Claram Szczęsna atque super lectum filii textum posuit cuiusdam orationis intercessionis. Eius cum precibus

etiam Servulae Sacratissimi Cordis Iesu se coniunxerunt, donum sanationis

pueri a Domino implorantes. Qui, post meridiem diei 19 mensis Martii,

inopinate expergefactus est e comate. Functiones neurologicae et physio-

logicae iterum suum cursum inchoaverunt atque nullum damnum maioris

momenti animadvertebatur. Iuvenis patiens extemplo est sanatus, stuporem

apud familiares suscitans et valetudinarii ministros, qui postea eum ob

extraordinariam subitaneam sanationem inspexerunt. Etiam sequentibus

in examinibus non sunt repertae amplae lacunae.

De hoc casu miro considerato, acta est a die 15 mensis Aprilis anni

2004 ad diem 20 mensis Martii anni 2007 apud Curiam ecclesiasticam

Cracoviensem Inquisitio dioecesana, cuius iuridica validitas ab hac Con-

gregatione per decretum die 25 mensis Ianuarii anno 2008 est approbata.

Consilium Medicorum huius Dicasterii in Sessione die 6 mensis Novem-

bris anno 2014 agnovit sanationem celerem, perfectam, constantem et ad

scientiam medicam nostrae aetatis inexplicabilem fuisse. Die 5 mensis Fe-

bruarii anno 2015 Congressus Peculiaris Consultorum Theologorum habitus

est. Die 19 mensis Maii anno 2015 Sessio Ordinaria Patrum Cardinalium

et Episcoporum acta est, me, Angelo Cardinale Amato, moderante.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Clarae Ludovicae Szczęsna, Confundatricis Congregationis Ser- vularum Sacratissimi Cordis Iesu, videlicet de celeri, perfecta ac constanti

sanatione cuiusdam adulescentis a «trauma cranico con coma profondo (GCS