512 Acta Apostolicae Sedis - Commentarium Officiale

tis principio in suis Ecclesiis particularibus, omnium populorum evan­ gelizationi operam navare scietis et vàlebitis, adiuvantes ita eccle­ siales communitates indigentiores » (Insegnamenti di Giovanni Paolo II, IX, 2 [1986] 165).

Haec verba, quibus Summus Pontifex Ioannes Paulus II est Re­ ligiosas allocutus inter Columbiae visitationem pastoralem, iam erant ad effectum adducta in vita operaque apostolica Servae Dei Laurae a Sancta Catharina Senensi Montoya, eiusdem illius terrae filiae. In oboedientia voluntati Dei - quae omnes homines vult salvos fieri et ad agnitionem veritatis venire (cf. 1 Tim 2, 4) - et in commu­ nione cum Ecclesiae pastoribus, vitam suam dedidit amori et ser­ vitio Christi atque animarum, impense et fructuose laborando ut sa­ lutis veritatem iis suae nationis Indiis nuntiaret, ad quos nondum nec evangelii praedicatio pervenerat nec sacerdotum ministerium.

Dei Serva die 26 mensis Maii orta est anno 1874 in urbe Ieri- coënsi, intra fines provinciae Antioquiensis, in Columbia, a Ioanne a Cruce Montoya González et Maria Perdolenti Upegui Echevarría, probis sincerisque christianis. Eodem die est baptizata nomenque est ei inditum Maria Laura a Iesu.

Anno 1876 pater eius, qui factionem catholicam sequebatur, est ab adversariis in re publica dissentientibus interfectus. Bona familiae confiscata sunt; unde Servae Dei tempus incepit paupertatis et acer- bitatum, quae eius indolem corroborarunt et ad incommoda parave­ runt muneris obeunda, quod Providentia erat ei in posterum credi- tura. A propinquis ditioribus domo accepta, pueritiam variis in locis egit, semper bona christiana educatione eminens, qua erat a matre imbuta et ab avis paternis, atque ludi munium diligentia. Anno 1881 in paroeciali ecclesia Amalfitana primum Eucharisticum sumpsit Pa­ nem et sacramentum Confirmationis accepit. Eodem anno, improviso et inopinato, peculiarem obtinuit Dei cognitionem, altum et diutur­ num simul gaudium experiens.

Magistrae diploma egregie consecuta, annis 1893-1909 institutioni se tradidit in scholis. Moderatrix etiam fuit Ephebei Immaculatae Conceptionis Medellii, ubi cum amore, peritia et efficacia in alumna- rum formationem culturalem, humanam et religiosam incubuit, eas in Dei viis diligenter ducens. Sed alieni a religione conati sunt me­ thodos eius paedagogicas detrectare multis calumniis contendentes, quas cum dignitate obiit et patientia; attamen, ut Ephebei bonam famam et institutionis religiosae principia defenderet, Vicarius Capi-