844 Acta Apostolicae Sedis - Commentarium Officiale

LITTERAE APOSTOLICAE

I

Titulus ac privilegia Basilicae Minoris ecclesiae Sancti Georgii Martyris

in urbe « Walldürn », archidioecesis Friburgensis, conferuntur.

IOANNES PP. XXIII

Ad perpetuam rei memoriam. - Populi concursibus celebratur, an-

tiquitate, architecturae ratione rebusque artificiosis excellit, ut ad Nos

est allatum, templum Sancti Georgii, nobile decus urbis « Walldürn »,

intra fines archidioecesis Friburgensis. Vetus enim ecclesiae aedificium

saeculo xv conditum est, cuius loco, cum adventantium piae peregrina-

tionis causa Christifidelium turmas capere non potuisset, novum opus,

structurae genere, quod « Barocum » audit, saeculo xvn et xvni ineunte

erectum est, molis amplitudine ac magnificentia insigne atque spectabile ;

siquidem cultus Reliquiae Pretiosissimi Sanguinis, ibidem asservatae,

populi animos tenet. Quod religiosis studium etiamnum pectora obtinet,

ita ut sacrorum administri atque Christifideles perfrequentes eodem se

conferant et sollemnia ibidem splendide atque decore agantur. In divinis

vero officiis sufficientes numero sacerdotes ex Ordine Eremitarum Sancti

Augustini versantur, quibus praeclarum hoc pietatis domicilium credi-

tum est. Quod honore cupiens augere simulque Christifideles ad religio-

nem, quae summum est praesidium in hac mortali vita, colendam exer-

cendamque vel magis accendere, Venerabilis Frater Hermannus Schau-

fele, Friburgensis Archiepiscopus, Nos rogavit, ut templum, quod

dictum est, Basilicae Minoris nomine ac iure donaremus. Quae vota

libenti animo implentes, Nos, e Sacrae Rituum Congregationis consulto,

certa scientia ac matura deliberatione Nostra deque Apostolicae pote-

statis plenitudine, harum Litterarum vi perpetuumque in modum eccle-

siam Deo in honorem Sancti Georgii Martyris consecratam in urbe,

quae (( Walldürn » vulgo appellata finibus archidioecesis Friburgensis

continetur, ad dignitatem Basilicae Minoris evehimus, omnibus adiectis

iuribus ac privilegiis, quae templis eodem nomine insignibus rite com-

petunt. Contrariis quibusvis non obstantibus. Haec edicimus, statuimus,

decernentes praesentes Litteras firmas, validas atque efficaces iugiter

exstare ac permanere; suosque plenos atque integros effectus sortiri et