Jas 2
1
Ἀδελφοί μου, μὴ ἐν προσωποληψίαις
{NA προσωποληψίαις > προσωπολημψίαις } ἔχετε τὴν πίστιν τοῦ κυρίου ἡμῶν Ἰησοῦ χριστοῦ τῆς δόξης.
2
Ἐὰν γὰρ εἰσέλθῃ εἰς τὴν
{NA τὴν > - } συναγωγὴν ὑμῶν ἀνὴρ χρυσοδακτύλιος ἐν ἐσθῆτι λαμπρᾷ, εἰσέλθῃ δὲ καὶ πτωχὸς ἐν ῥυπαρᾷ
ἐσθῆτι,
3
καὶ
{NA καὶ ἐπιβλέψητε > ἐπιβλέψητε δὲ } ἐπιβλέψητε ἐπὶ τὸν φοροῦντα τὴν ἐσθῆτα τὴν λαμπράν, καὶ εἴπητε αὐτῷ,
{NA αὐτῷ > - } Σὺ κάθου ὧδε καλῶς, καὶ τῷ πτωχῷ εἴπητε, Σὺ στῆθι ἐκεῖ, ἢ κάθου {NA28 ἐκεῖ ἢ κάθου
> ἢ κάθου ἐκεῖ } ὧδε
{NA ὧδε ὑπὸ > ὑπὸ } ὑπὸ τὸ ὑποπόδιόν μου·
4
καὶ {NA27 καὶ οὐ > οὐ } οὐ διεκρίθητε ἐν ἑαυτοῖς, καὶ ἐγένεσθε κριταὶ διαλογισμῶν
πονηρῶν;
5
Ἀκούσατε, ἀδελφοί μου ἀγαπητοί. Οὐχ ὁ θεὸς ἐξελέξατο τοὺς πτωχοὺς τοῦ
{NA τοῦ κόσμου > τῷ κόσμῳ } κόσμου πλουσίους ἐν πίστει, καὶ κληρονόμους τῆς βασιλείας ἧς ἐπηγγείλατο τοῖς ἀγαπῶσιν
αὐτόν;
6
Ὑμεῖς δὲ ἠτιμάσατε τὸν πτωχόν. Οὐχ οἱ πλούσιοι καταδυναστεύουσιν ὑμῶν, καὶ αὐτοὶ ἕλκουσιν
ὑμᾶς εἰς κριτήρια;
7
Οὐκ αὐτοὶ βλασφημοῦσιν τὸ καλὸν ὄνομα τὸ ἐπικληθὲν ἐφ’ ὑμᾶς;
8
Εἰ μέντοι νόμον τελεῖτε βασιλικόν, κατὰ τὴν γραφήν, Ἀγαπήσεις τὸν πλησίον σου ὡς σεαυτόν,
καλῶς ποιεῖτε·
9
εἰ δὲ προσωποληπτεῖτε,
{NA προσωποληπτεῖτε > προσωπολημπτεῖτε } ἁμαρτίαν ἐργάζεσθε, ἐλεγχόμενοι ὑπὸ τοῦ νόμου ὡς παραβάται.
10
Ὅστις γὰρ ὅλον τὸν νόμον τηρήσει,
{NA τηρήσει πταίσει > τηρήσῃ πταίσῃ } πταίσει δὲ ἐν ἑνί, γέγονεν πάντων ἔνοχος.
11
Ὁ γὰρ εἰπών, Μὴ
{NA Μὴ μοιχεύσεις > Μὴ μοιχεύσῃς } μοιχεύσεις, εἶπεν καί, Μὴ
{NA Μὴ φονεύσεις > Μὴ φονεύσῃς } φονεύσεις· εἰ δὲ οὐ μοιχεύσεις,
{NA μοιχεύσεις φονεύσεις > μοιχεύεις φονεύεις } φονεύσεις δέ, γέγονας παραβάτης νόμου.
12
Οὕτως λαλεῖτε καὶ οὕτως ποιεῖτε, ὡς διὰ νόμου ἐλευθερίας μέλλοντες κρίνεσθαι.
13
Ἡ γὰρ κρίσις ἀνέλεος τῷ μὴ ποιήσαντι ἔλεος· κατακαυχᾶται ἔλεον
{NA ἔλεον > ἔλεος } κρίσεως.
14
¶Τί τὸ ὄφελος, ἀδελφοί μου, ἐὰν πίστιν λέγῃ τις ἔχειν, ἔργα δὲ μὴ ἔχῃ; Μὴ δύναται
ἡ πίστις σῶσαι αὐτόν;
15
Ἐὰν δὲ
{NA δὲ > - } ἀδελφὸς ἢ ἀδελφὴ γυμνοὶ ὑπάρχωσιν καὶ λειπόμενοι ὦσιν {NA27 ὦσιν > - } τῆς ἐφημέρου
τροφῆς,
16
εἴπῃ δέ τις αὐτοῖς ἐξ ὑμῶν, Ὑπάγετε ἐν εἰρήνῃ, θερμαίνεσθε καὶ χορτάζεσθε, μὴ δῶτε
δὲ αὐτοῖς τὰ ἐπιτήδεια τοῦ σώματος, τί τὸ ὄφελος;
17
Οὕτως καὶ ἡ πίστις, ἐὰν μὴ ἔργα
{NA ἔργα ἔχῃ > ἔχῃ ἔργα } ἔχῃ, νεκρά ἐστιν καθ’ ἑαυτήν.
18
Ἀλλ’ ἐρεῖ τις, Σὺ πίστιν ἔχεις, κἀγὼ ἔργα ἔχω· δεῖξόν μοι τὴν πίστιν σου ἐκ
{NA ἐκ τῶν ἔργων σου κἀγὼ δείξω σοι > χωρὶς τῶν ἔργων κἀγώ σοι δείξω } τῶν ἔργων σου, κἀγὼ δείξω σοι ἐκ τῶν ἔργων μου τὴν πίστιν μου.
{NA πίστιν μου > πίστιν }
19
Σὺ πιστεύεις ὅτι ὁ
{NA ὁ θεὸς εἷς ἐστίν > εἷς ἐστιν ὁ θεός } θεὸς εἷς ἐστίν· καλῶς ποιεῖς· καὶ τὰ δαιμόνια πιστεύουσιν, καὶ φρίσσουσιν.
20
Θέλεις δὲ γνῶναι, ὦ ἄνθρωπε κενέ, ὅτι ἡ πίστις χωρὶς τῶν ἔργων νεκρά
{NA νεκρά > ἀργή } ἐστιν;
21
Ἀβραὰμ ὁ πατὴρ ἡμῶν οὐκ ἐξ ἔργων ἐδικαιώθη, ἀνενέγκας Ἰσαὰκ τὸν υἱὸν αὐτοῦ ἐπὶ τὸ
θυσιαστήριον;
22
Βλέπεις ὅτι ἡ πίστις συνήργει τοῖς ἔργοις αὐτοῦ, καὶ ἐκ τῶν ἔργων ἡ πίστις ἐτελειώθη;
23
Καὶ ἐπληρώθη ἡ γραφὴ ἡ λέγουσα, Ἐπίστευσεν δὲ Ἀβραὰμ τῷ θεῷ, καὶ ἐλογίσθη αὐτῷ εἰς
δικαιοσύνην, καὶ φίλος θεοῦ ἐκλήθη.
24
Ὁρᾶτε τοίνυν
{NA τοίνυν > - } ὅτι ἐξ ἔργων δικαιοῦται ἄνθρωπος, καὶ οὐκ ἐκ πίστεως μόνον.
25
Ὁμοίως δὲ καὶ Ῥαὰβ ἡ πόρνη οὐκ ἐξ ἔργων ἐδικαιώθη, ὑποδεξαμένη τοὺς ἀγγέλους, καὶ
ἑτέρᾳ ὁδῷ ἐκβαλοῦσα;
26
Ὥσπερ γὰρ τὸ σῶμα χωρὶς πνεύματος νεκρόν ἐστιν, οὕτως καὶ ἡ πίστις χωρὶς τῶν
{NA τῶν > - } ἔργων νεκρά ἐστιν.