1Tim 3
1
Πιστὸς ὁ λόγος· εἴ τις ἐπισκοπῆς ὀρέγεται, καλοῦ ἔργου ἐπιθυμεῖ.
2
Δεῖ οὖν τὸν ἐπίσκοπον ἀνεπίληπτον
{NA ἀνεπίληπτον > ἀνεπίλημπτον } εἶναι, μιᾶς γυναικὸς ἄνδρα, νηφάλεον,
{NA νηφάλεον > νηφάλιον } σώφρονα, κόσμιον, φιλόξενον, διδακτικόν·
3
μὴ πάροινον, μὴ πλήκτην, μὴ
{NA μὴ αἰσχροκερδῆ ἀλλ’ > ἀλλὰ } αἰσχροκερδῆ, ἀλλ’ ἐπιεικῆ, ἄμαχον, ἀφιλάργυρον·
4
τοῦ ἰδίου οἴκου καλῶς προϊστάμενον, τέκνα ἔχοντα ἐν ὑποταγῇ μετὰ πάσης σεμνότητος.
5
Εἰ δέ τις τοῦ ἰδίου οἴκου προστῆναι οὐκ οἶδεν, πῶς ἐκκλησίας θεοῦ ἐπιμελήσεται;
6
Μὴ νεόφυτον, ἵνα μὴ τυφωθεὶς εἰς κρίμα ἐμπέσῃ τοῦ διαβόλου.
7
Δεῖ δὲ αὐτὸν
{NA αὐτὸν > - } καὶ μαρτυρίαν καλὴν ἔχειν ἀπὸ τῶν ἔξωθεν, ἵνα μὴ εἰς ὀνειδισμὸν ἐμπέσῃ καὶ παγίδα
τοῦ διαβόλου.
8
Διακόνους ὡσαύτως σεμνούς, μὴ διλόγους, μὴ οἴνῳ πολλῷ προσέχοντας, μὴ αἰσχροκερδεῖς,
9
ἔχοντας τὸ μυστήριον τῆς πίστεως ἐν καθαρᾷ συνειδήσει.
10
Καὶ οὗτοι δὲ δοκιμαζέσθωσαν πρῶτον, εἶτα διακονείτωσαν, ἀνέγκλητοι ὄντες.
11
Γυναῖκας ὡσαύτως σεμνάς, μὴ διαβόλους, νηφαλέους,
{NA νηφαλέους > νηφαλίους } πιστὰς ἐν πᾶσιν.
12
Διάκονοι ἔστωσαν μιᾶς γυναικὸς ἄνδρες, τέκνων καλῶς προϊστάμενοι καὶ τῶν ἰδίων οἴκων.
13
Οἱ γὰρ καλῶς διακονήσαντες βαθμὸν ἑαυτοῖς καλὸν περιποιοῦνται, καὶ πολλὴν παρρησίαν
ἐν πίστει τῇ ἐν χριστῷ Ἰησοῦ.
14
¶Ταῦτά σοι γράφω, ἐλπίζων ἐλθεῖν πρός σε τάχιον·
{NA τάχιον > ἐν τάχει }
15
ἐὰν δὲ βραδύνω, ἵνα εἰδῇς πῶς δεῖ ἐν οἴκῳ θεοῦ ἀναστρέφεσθαι, ἥτις ἐστὶν ἐκκλησία
θεοῦ ζῶντος, στύλος καὶ ἑδραίωμα τῆς ἀληθείας.
16
Καὶ ὁμολογουμένως μέγα ἐστὶν τὸ τῆς εὐσεβείας μυστήριον· θεὸς
{NA θεὸς > ὃς } ἐφανερώθη ἐν σαρκί, ἐδικαιώθη ἐν πνεύματι, ὤφθη ἀγγέλοις, ἐκηρύχθη ἐν ἔθνεσιν, ἐπιστεύθη
ἐν κόσμῳ, ἀνελήφθη
{NA ἀνελήφθη > ἀνελήμφθη } ἐν δόξῃ.