Acts 5
1
Ἀνὴρ δέ τις Ἀνανίας ὀνόματι, σὺν Σαπφείρῃ
{NA Σαπφείρῃ > Σαπφίρῃ } τῇ γυναικὶ αὐτοῦ, ἐπώλησεν κτῆμα,
2
καὶ ἐνοσφίσατο ἀπὸ τῆς τιμῆς, συνειδυίας
{NA συνειδυίας > συνειδυίης } καὶ τῆς γυναικὸς αὐτοῦ,
{NA αὐτοῦ > - } καὶ ἐνέγκας μέρος τι παρὰ τοὺς πόδας τῶν ἀποστόλων ἔθηκεν.
3
Εἶπεν δὲ Πέτρος,
{NA Πέτρος > ὁ Πέτρος } Ἀνανία, διὰ τί ἐπλήρωσεν ὁ Σατανᾶς τὴν καρδίαν σου, ψεύσασθαί σε τὸ πνεῦμα τὸ ἅγιον,
καὶ νοσφίσασθαί σε
{NA σε ἀπὸ > ἀπὸ } ἀπὸ τῆς τιμῆς τοῦ χωρίου;
4
Οὐχὶ μένον σοὶ ἔμενεν, καὶ πραθὲν ἐν τῇ σῇ ἐξουσίᾳ ὑπῆρχεν; Τί ὅτι ἔθου ἐν τῇ καρδίᾳ
σου τὸ πρᾶγμα τοῦτο; Οὐκ ἐψεύσω ἀνθρώποις, ἀλλὰ τῷ θεῷ.
5
Ἀκούων δὲ ὁ Ἀνανίας τοὺς λόγους τούτους, πεσὼν ἐξέψυξεν· καὶ ἐγένετο φόβος μέγας ἐπὶ
πάντας τοὺς ἀκούοντας ταῦτα.
{NA ταῦτα > - }
6
Ἀναστάντες δὲ οἱ νεώτεροι συνέστειλαν αὐτόν, καὶ ἐξενέγκαντες ἔθαψαν.
7
¶Ἐγένετο δὲ ὡς ὡρῶν τριῶν διάστημα, καὶ ἡ γυνὴ αὐτοῦ μὴ εἰδυῖα τὸ γεγονὸς εἰσῆλθεν.
8
Ἀπεκρίθη δὲ αὐτῇ
{NA αὐτῇ ὁ > πρὸς αὐτὴν } ὁ Πέτρος, Εἰπέ μοι, εἰ τοσούτου τὸ χωρίον ἀπέδοσθε; Ἡ δὲ εἶπεν, Ναί, τοσούτου.
9
Ὁ δὲ Πέτρος εἶπεν
{NA εἶπεν > - } πρὸς αὐτήν, Τί ὅτι συνεφωνήθη ὑμῖν πειράσαι τὸ πνεῦμα κυρίου; Ἰδού, οἱ πόδες τῶν
θαψάντων τὸν ἄνδρα σου ἐπὶ τῇ θύρᾳ, καὶ ἐξοίσουσίν σε.
10
Ἔπεσεν δὲ παραχρῆμα παρὰ
{NA παρὰ > πρὸς } τοὺς πόδας αὐτοῦ, καὶ ἐξέψυξεν· εἰσελθόντες δὲ οἱ νεανίσκοι εὗρον αὐτὴν νεκράν, καὶ
ἐξενέγκαντες ἔθαψαν πρὸς τὸν ἄνδρα αὐτῆς.
11
Καὶ ἐγένετο φόβος μέγας ἐφ’ ὅλην τὴν ἐκκλησίαν, καὶ ἐπὶ πάντας τοὺς ἀκούοντας ταῦτα.
12
¶Διὰ δὲ τῶν χειρῶν τῶν ἀποστόλων ἐγίνετο
{Byz ἐγίνετο > ἐγένετο } σημεῖα καὶ τέρατα ἐν
{NA ἐν τῷ λαῷ πολλά > πολλὰ ἐν τῷ λαῷ } τῷ λαῷ πολλά· καὶ ἦσαν ὁμοθυμαδὸν ἅπαντες ἐν τῇ στοᾷ Σολομῶντος.
13
Τῶν δὲ λοιπῶν οὐδεὶς ἐτόλμα κολλᾶσθαι αὐτοῖς, ἀλλ’ ἐμεγάλυνεν αὐτοὺς ὁ λαός·
14
μᾶλλον δὲ προσετίθεντο πιστεύοντες τῷ κυρίῳ, πλήθη ἀνδρῶν τε καὶ γυναικῶν·
15
ὥστε κατὰ
{NA κατὰ τὰς > καὶ εἰς τὰς } τὰς πλατείας ἐκφέρειν τοὺς ἀσθενεῖς, καὶ τιθέναι ἐπὶ κλινῶν
{NA κλινῶν καὶ κραββάτων > κλιναρίων καὶ κραβάττων } καὶ κραββάτων, ἵνα ἐρχομένου Πέτρου κἂν ἡ σκιὰ ἐπισκιάσῃ τινὶ αὐτῶν.
16
Συνήρχετο δὲ καὶ τὸ πλῆθος τῶν πέριξ πόλεων εἰς
{NA εἰς > - } Ἱερουσαλήμ, φέροντες ἀσθενεῖς καὶ ὀχλουμένους ὑπὸ πνευμάτων ἀκαθάρτων, οἵτινες ἐθεραπεύοντο
ἅπαντες.
17
¶Ἀναστὰς δὲ ὁ ἀρχιερεὺς καὶ πάντες οἱ σὺν αὐτῷ- ἡ οὖσα αἵρεσις τῶν Σαδδουκαίων- ἐπλήσθησαν
ζήλου,
18
καὶ ἐπέβαλον τὰς χεῖρας αὐτῶν
{NA αὐτῶν > - } ἐπὶ τοὺς ἀποστόλους, καὶ ἔθεντο αὐτοὺς ἐν τηρήσει δημοσίᾳ.
19
Ἄγγελος δὲ κυρίου διὰ τῆς
{NA τῆς νυκτὸς ἤνοιξεν > νυκτὸς ἀνοίξας } νυκτὸς ἤνοιξεν τὰς θύρας τῆς φυλακῆς, ἐξαγαγών τε αὐτοὺς εἶπεν,
20
Πορεύεσθε, καὶ σταθέντες λαλεῖτε ἐν τῷ ἱερῷ τῷ λαῷ πάντα τὰ ῥήματα τῆς ζωῆς ταύτης.
21
Ἀκούσαντες δὲ εἰσῆλθον ὑπὸ τὸν ὄρθρον εἰς τὸ ἱερόν, καὶ ἐδίδασκον. Παραγενόμενος δὲ
ὁ ἀρχιερεὺς καὶ οἱ σὺν αὐτῷ, συνεκάλεσαν τὸ συνέδριον καὶ πᾶσαν τὴν γερουσίαν τῶν
υἱῶν Ἰσραήλ, καὶ ἀπέστειλαν εἰς τὸ δεσμωτήριον, ἀχθῆναι αὐτούς.
22
Οἱ δὲ ὑπηρέται
{NA ὑπηρέται παραγενόμενοι > παραγενόμενοι ὑπηρέται } παραγενόμενοι οὐχ εὗρον αὐτοὺς ἐν τῇ φυλακῇ· ἀναστρέψαντες δὲ ἀπήγγειλαν,
23
λέγοντες ὅτι Τὸ μὲν
{NA μὲν > - } δεσμωτήριον εὕρομεν κεκλεισμένον ἐν πάσῃ ἀσφαλείᾳ, καὶ τοὺς φύλακας ἑστῶτας πρὸ
{NA πρὸ > ἐπὶ } τῶν θυρῶν· ἀνοίξαντες δέ, ἔσω οὐδένα εὕρομεν.
24
Ὡς δὲ ἤκουσαν τοὺς λόγους τούτους ὅ τε ἱερεὺς
{NA ἱερεὺς καὶ ὁ > - } καὶ ὁ στρατηγὸς τοῦ ἱεροῦ καὶ οἱ ἀρχιερεῖς, διηπόρουν περὶ αὐτῶν, τί ἂν γένοιτο τοῦτο.
25
Παραγενόμενος δέ τις ἀπήγγειλεν αὐτοῖς ὅτι Ἰδού, οἱ ἄνδρες οὓς ἔθεσθε ἐν τῇ φυλακῇ
εἰσὶν ἐν τῷ ἱερῷ ἑστῶτες καὶ διδάσκοντες τὸν λαόν.
26
Τότε ἀπελθὼν ὁ στρατηγὸς σὺν τοῖς ὑπηρέταις ἤγαγεν {NA27/28 ἤγαγεν > ἦγεν } αὐτούς,
οὐ μετὰ βίας, ἐφοβοῦντο γὰρ τὸν λαόν, ἵνα
{NA ἵνα > - } μὴ λιθασθῶσιν.
27
Ἀγαγόντες δὲ αὐτοὺς ἔστησαν ἐν τῷ συνεδρίῳ. Καὶ ἐπηρώτησεν αὐτοὺς ὁ ἀρχιερεύς,
28
λέγων, Οὐ
{NA Οὐ > [Οὐ] } παραγγελίᾳ παρηγγείλαμεν ὑμῖν μὴ διδάσκειν ἐπὶ τῷ ὀνόματι τούτῳ; Καὶ ἰδοὺ πεπληρώκατε
τὴν Ἱερουσαλὴμ τῆς διδαχῆς ὑμῶν, καὶ βούλεσθε ἐπαγαγεῖν ἐφ’ ἡμᾶς τὸ αἷμα τοῦ ἀνθρώπου
τούτου.
29
Ἀποκριθεὶς δὲ Πέτρος καὶ οἱ ἀπόστολοι εἶπον,
{NA εἶπον > εἶπαν } Πειθαρχεῖν δεῖ θεῷ μᾶλλον ἢ ἀνθρώποις.
30
Ὁ θεὸς τῶν πατέρων ἡμῶν ἤγειρεν Ἰησοῦν, ὃν ὑμεῖς διεχειρίσασθε, κρεμάσαντες ἐπὶ ξύλου.
31
Τοῦτον ὁ θεὸς ἀρχηγὸν καὶ σωτῆρα ὕψωσεν τῇ δεξιᾷ αὐτοῦ, δοῦναι {NA27/28 δοῦναι > [τοῦ]
δοῦναι } μετάνοιαν τῷ Ἰσραὴλ καὶ ἄφεσιν ἁμαρτιῶν.
32
Καὶ ἡμεῖς ἐσμεν αὐτοῦ
{NA αὐτοῦ > - } μάρτυρες τῶν ῥημάτων τούτων, καὶ τὸ πνεῦμα δὲ
{NA δὲ > - } τὸ ἅγιον, ὃ ἔδωκεν ὁ θεὸς τοῖς πειθαρχοῦσιν αὐτῷ.
33
¶Οἱ δὲ ἀκούοντες
{Byz ἀκούοντες > ἀκούσαντες }
{NA ἀκούοντες > ἀκούσαντες } διεπρίοντο, καὶ ἐβουλεύοντο {NA27/28 ἐβουλεύοντο > ἐβούλοντο } ἀνελεῖν αὐτούς.
34
Ἀναστὰς δέ τις ἐν τῷ συνεδρίῳ Φαρισαῖος, ὀνόματι Γαμαλιήλ, νομοδιδάσκαλος, τίμιος
παντὶ τῷ λαῷ, ἐκέλευσεν ἔξω βραχύ τι
{NA τι τοὺς ἀποστόλους > τοὺς ἀνθρώπους } τοὺς ἀποστόλους ποιῆσαι.
35
Εἶπέν τε πρὸς αὐτούς, Ἄνδρες Ἰσραηλῖται, προσέχετε ἑαυτοῖς ἐπὶ τοῖς ἀνθρώποις τούτοις,
τί μέλλετε πράσσειν.
36
Πρὸ γὰρ τούτων τῶν ἡμερῶν ἀνέστη Θευδᾶς, λέγων εἶναί τινα ἑαυτόν, ᾧ προσεκλήθη
{NA προσεκλήθη ἀριθμὸς ἀνδρῶν ὡσεὶ > προσεκλίθη ἀνδρῶν ἀριθμὸς ὡς } ἀριθμὸς ἀνδρῶν ὡσεὶ τετρακοσίων· ὃς ἀνῃρέθη, καὶ πάντες ὅσοι ἐπείθοντο αὐτῷ διελύθησαν
καὶ ἐγένοντο εἰς οὐδέν.
37
Μετὰ τοῦτον ἀνέστη Ἰούδας ὁ Γαλιλαῖος ἐν ταῖς ἡμέραις τῆς ἀπογραφῆς, καὶ ἀπέστησεν
λαὸν ἱκανὸν
{NA ἱκανὸν > - } ὀπίσω αὐτοῦ· κἀκεῖνος ἀπώλετο, καὶ πάντες ὅσοι ἐπείθοντο αὐτῷ διεσκορπίσθησαν.
38
Καὶ τὰ νῦν λέγω ὑμῖν, ἀπόστητε ἀπὸ τῶν ἀνθρώπων τούτων, καὶ ἐάσατε
{NA ἐάσατε > ἄφετε } αὐτούς· ὅτι ἐὰν ᾖ ἐξ ἀνθρώπων ἡ βουλὴ ἢ
{NA βουλὴ > βουλὴ αὕτη } τὸ ἔργον τοῦτο, καταλυθήσεται·
39
εἰ δὲ ἐκ θεοῦ ἐστιν, οὐ δύνασθε
{NA δύνασθε > δυνήσεσθε } καταλῦσαι αὐτό,
{NA αὐτό > αὐτούς } μήποτε καὶ θεομάχοι εὑρεθῆτε.
40
Ἐπείσθησαν δὲ αὐτῷ· καὶ προσκαλεσάμενοι τοὺς ἀποστόλους, δείραντες παρήγγειλαν μὴ
λαλεῖν ἐπὶ τῷ ὀνόματι τοῦ Ἰησοῦ, καὶ ἀπέλυσαν αὐτούς.
{NA αὐτούς > - }
41
Οἱ μὲν οὖν ἐπορεύοντο χαίροντες ἀπὸ προσώπου τοῦ συνεδρίου, ὅτι ὑπὲρ
{NA ὑπὲρ τοῦ ὀνόματος τοῦ Ἰησοῦ κατηξιώθησαν > κατηξιώθησαν ὑπὲρ τοῦ ὀνόματος } τοῦ ὀνόματος τοῦ Ἰησοῦ
{Byz τοῦ Ἰησοῦ > αὐτοῦ } κατηξιώθησαν ἀτιμασθῆναι.
42
Πᾶσάν τε ἡμέραν, ἐν τῷ ἱερῷ καὶ κατ’ οἶκον, οὐκ ἐπαύοντο διδάσκοντες καὶ εὐαγγελιζόμενοι
Ἰησοῦν
{NA Ἰησοῦν τὸν χριστόν > τὸν χριστὸν Ἰησοῦν } τὸν χριστόν.