1Cor 10
1
Οὐ θέλω δὲ
{NA δὲ > γὰρ } ὑμᾶς ἀγνοεῖν, ἀδελφοί, ὅτι οἱ πατέρες ἡμῶν πάντες ὑπὸ τὴν νεφέλην ἦσαν, καὶ πάντες
διὰ τῆς θαλάσσης διῆλθον,
2
καὶ πάντες εἰς τὸν Μωϋσῆν ἐβαπτίσαντο
{NA ἐβαπτίσαντο > ἐβαπτίσθησαν } ἐν τῇ νεφέλῃ καὶ ἐν τῇ θαλάσσῃ,
3
καὶ πάντες τὸ αὐτὸ βρῶμα
{NA βρῶμα πνευματικὸν > πνευματικὸν βρῶμα } πνευματικὸν ἔφαγον,
4
καὶ πάντες τὸ αὐτὸ πόμα
{NA πόμα πνευματικὸν ἔπιον > πνευματικὸν ἔπιον πόμα } πνευματικὸν ἔπιον· ἔπινον γὰρ ἐκ πνευματικῆς ἀκολουθούσης πέτρας· ἡ δὲ
{NA δὲ πέτρα > πέτρα δὲ } πέτρα ἦν ὁ χριστός.
5
Ἀλλ’ οὐκ ἐν τοῖς πλείοσιν αὐτῶν εὐδόκησεν ὁ θεός· κατεστρώθησαν γὰρ ἐν τῇ ἐρήμῳ.
6
Ταῦτα δὲ τύποι ἡμῶν ἐγενήθησαν, εἰς τὸ μὴ εἶναι ἡμᾶς ἐπιθυμητὰς κακῶν, καθὼς κἀκεῖνοι
ἐπεθύμησαν.
7
Μηδὲ εἰδωλολάτραι γίνεσθε, καθώς τινες αὐτῶν· ὥσπερ γέγραπται, Ἐκάθισεν ὁ λαὸς φαγεῖν
καὶ πιεῖν,
{NA πιεῖν > πεῖν } καὶ ἀνέστησαν παίζειν.
8
Μηδὲ πορνεύωμεν, καθώς τινες αὐτῶν ἐπόρνευσαν, καὶ ἔπεσον
{NA ἔπεσον ἐν > ἔπεσαν } ἐν μιᾷ ἡμέρᾳ εἴκοσι τρεῖς χιλιάδες.
9
Μηδὲ ἐκπειράζωμεν τὸν χριστόν, καθὼς καί
{NA καί τινες > τινες } τινες αὐτῶν ἐπείρασαν, καὶ ὑπὸ τῶν ὄφεων ἀπώλοντο.
{NA ἀπώλοντο > ἀπώλλυντο }
10
Μηδὲ γογγύζετε, καθὼς
{NA καθὼς καί > καθάπερ } καί τινες αὐτῶν ἐγόγγυσαν, καὶ ἀπώλοντο ὑπὸ τοῦ ὀλοθρευτοῦ.
11
Ταῦτα δὲ πάντα
{NA πάντα τύποι συνέβαινον > τυπικῶς συνέβαινεν } τύποι συνέβαινον ἐκείνοις· ἐγράφη δὲ πρὸς νουθεσίαν ἡμῶν, εἰς οὓς τὰ τέλη τῶν αἰώνων
κατήντησεν.
{NA κατήντησεν > κατήντηκεν }
12
Ὥστε ὁ δοκῶν ἑστάναι, βλεπέτω μὴ πέσῃ.
13
Πειρασμὸς ὑμᾶς οὐκ εἴληφεν εἰ μὴ ἀνθρώπινος· πιστὸς δὲ ὁ θεός, ὃς οὐκ ἐάσει ὑμᾶς πειρασθῆναι
ὑπὲρ ὃ δύνασθε, ἀλλὰ ποιήσει σὺν τῷ πειρασμῷ καὶ τὴν ἔκβασιν, τοῦ δύνασθαι ὑμᾶς
{NA ὑμᾶς ὑπενεγκεῖν > ὑπενεγκεῖν } ὑπενεγκεῖν.
14
¶Διόπερ, ἀγαπητοί μου, φεύγετε ἀπὸ τῆς εἰδωλολατρείας.
{NA εἰδωλολατρείας > εἰδωλολατρίας }
15
Ὡς φρονίμοις λέγω, κρίνατε ὑμεῖς ὅ φημι.
16
Τὸ ποτήριον τῆς εὐλογίας ὃ εὐλογοῦμεν, οὐχὶ κοινωνία
{NA τοῦ αἵματος τοῦ χριστοῦ ἐστίν > ἐστὶν τοῦ αἵματος τοῦ χριστοῦ } τοῦ αἵματος τοῦ χριστοῦ ἐστίν; Τὸν ἄρτον ὃν κλῶμεν, οὐχὶ κοινωνία τοῦ σώματος τοῦ
χριστοῦ ἐστίν;
17
Ὅτι εἷς ἄρτος, ἓν σῶμα, οἱ πολλοί ἐσμεν· οἱ γὰρ πάντες ἐκ τοῦ ἑνὸς ἄρτου μετέχομεν.
18
Βλέπετε τὸν Ἰσραὴλ κατὰ σάρκα· οὐχὶ
{NA οὐχὶ > οὐχ } οἱ ἐσθίοντες τὰς θυσίας κοινωνοὶ τοῦ θυσιαστηρίου εἰσίν;
19
Τί οὖν φημι; Ὅτι εἴδωλόν
{NA εἴδωλόν > εἰδωλόθυτόν } τί ἐστιν; Ἢ ὅτι εἰδωλόθυτόν
{NA εἰδωλόθυτόν > εἴδωλόν } τί ἐστιν;
20
Ἀλλ’ ὅτι ἃ θύει
{NA θύει τὰ ἔθνη δαιμονίοις θύει > θύουσιν δαιμονίοις } τὰ ἔθνη, δαιμονίοις θύει, καὶ οὐ θεῷ· οὐ
{NA θεῷ > θεῷ [θύουσιν] } θέλω δὲ ὑμᾶς κοινωνοὺς τῶν δαιμονίων γίνεσθαι.
21
Οὐ δύνασθε ποτήριον κυρίου πίνειν καὶ ποτήριον δαιμονίων· οὐ δύνασθε τραπέζης κυρίου
μετέχειν καὶ τραπέζης δαιμονίων.
22
Ἢ παραζηλοῦμεν τὸν κύριον; Μὴ ἰσχυρότεροι αὐτοῦ ἐσμέν;
23
¶Πάντα μοι
{NA Πάντα μοι ἔξεστιν ἀλλ’ οὐ πάντα συμφέρει Πάντα μοι ἔξεστιν > Πάντα ἔξεστιν ἀλλ’
οὐ πάντα συμφέρει Πάντα ἔξεστιν }
ἔξεστιν, ἀλλ’ οὐ πάντα συμφέρει. Πάντα μοι ἔξεστιν, ἀλλ’ οὐ πάντα οἰκοδομεῖ.
24
Μηδεὶς τὸ ἑαυτοῦ ζητείτω, ἀλλὰ τὸ τοῦ ἑτέρου ἕκαστος.
{NA ἕκαστος > - }
25
Πᾶν τὸ ἐν μακέλλῳ πωλούμενον ἐσθίετε, μηδὲν ἀνακρίνοντες διὰ τὴν συνείδησιν·
26
Τοῦ γὰρ
{NA γὰρ κυρίου > κυρίου γὰρ } κυρίου ἡ γῆ καὶ τὸ πλήρωμα αὐτῆς.
27
Εἰ δέ
{NA δέ > - } τις καλεῖ ὑμᾶς τῶν ἀπίστων, καὶ θέλετε πορεύεσθαι, πᾶν τὸ παρατιθέμενον ὑμῖν ἐσθίετε,
μηδὲν ἀνακρίνοντες διὰ τὴν συνείδησιν.
28
Ἐὰν δέ τις ὑμῖν εἴπῃ, Τοῦτο εἰδωλόθυτόν
{NA εἰδωλόθυτόν > ἱερόθυτόν } ἐστιν, μὴ ἐσθίετε δι’ ἐκεῖνον τὸν μηνύσαντα καὶ τὴν συνείδησιν· Τοῦ
{NA Τοῦ γὰρ κυρίου ἡ γῆ καὶ τὸ πλήρωμα αὐτῆς > - } γὰρ κυρίου ἡ γῆ καὶ τὸ πλήρωμα αὐτῆς.
29
Συνείδησιν δὲ λέγω, οὐχὶ τὴν ἑαυτοῦ, ἀλλὰ τὴν τοῦ ἑτέρου· ἵνα
{NA ἵνα τί > ἱνατί } τί γὰρ ἡ ἐλευθερία μου κρίνεται ὑπὸ ἄλλης συνειδήσεως;
30
Εἰ ἐγὼ χάριτι μετέχω, τί βλασφημοῦμαι ὑπὲρ οὗ ἐγὼ εὐχαριστῶ;
31
Εἴτε οὖν ἐσθίετε, εἴτε πίνετε, εἴτε τι ποιεῖτε, πάντα εἰς δόξαν θεοῦ ποιεῖτε.
32
Ἀπρόσκοποι γίνεσθε
{NA γίνεσθε καὶ Ἰουδαίοις > καὶ Ἰουδαίοις γίνεσθε } καὶ Ἰουδαίοις καὶ Ἕλλησιν καὶ τῇ ἐκκλησίᾳ τοῦ θεοῦ·
33
καθὼς κἀγὼ πάντα πᾶσιν ἀρέσκω, μὴ ζητῶν τὸ ἐμαυτοῦ συμφέρον,
{NA συμφέρον > σύμφορον } ἀλλὰ τὸ τῶν πολλῶν, ἵνα σωθῶσιν.