John 21
1
Μετὰ ταῦτα ἐφανέρωσεν ἑαυτὸν πάλιν ὁ Ἰησοῦς τοῖς μαθηταῖς
{Byz μαθηταῖς > μαθηταῖς αὐτοῦ } ἐπὶ τῆς θαλάσσης τῆς Τιβεριάδος· ἐφανέρωσεν δὲ οὕτως.
2
Ἦσαν ὁμοῦ Σίμων Πέτρος, καὶ Θωμᾶς ὁ λεγόμενος Δίδυμος, καὶ Ναθαναὴλ ὁ ἀπὸ Κανᾶ τῆς
Γαλιλαίας, καὶ οἱ τοῦ Ζεβεδαίου, καὶ ἄλλοι ἐκ τῶν μαθητῶν αὐτοῦ δύο.
3
Λέγει αὐτοῖς Σίμων Πέτρος, Ὑπάγω ἁλιεύειν. Λέγουσιν αὐτῷ, Ἐρχόμεθα καὶ ἡμεῖς σὺν σοί.
Ἐξῆλθον καὶ ἐνέβησαν εἰς τὸ πλοῖον εὐθύς,
{NA εὐθύς > - } καὶ ἐν ἐκείνῃ τῇ νυκτὶ ἐπίασαν οὐδέν.
4
Πρωΐας δὲ ἤδη γενομένης ἔστη ὁ
{NA ὁ > - } Ἰησοῦς εἰς τὸν αἰγιαλόν· οὐ μέντοι ᾔδεισαν οἱ μαθηταὶ ὅτι Ἰησοῦς ἐστιν.
5
Λέγει οὖν αὐτοῖς ὁ
{NA ὁ > [ὁ] } Ἰησοῦς, Παιδία, μή τι προσφάγιον ἔχετε; Ἀπεκρίθησαν αὐτῷ, Οὔ.
6
Ὁ δὲ εἶπεν αὐτοῖς, Βάλετε εἰς τὰ δεξιὰ μέρη τοῦ πλοίου τὸ δίκτυον, καὶ εὑρήσετε. Ἔβαλον
οὖν, καὶ οὐκέτι αὐτὸ ἑλκύσαι ἴσχυσαν
{NA ἴσχυσαν > ἴσχυον } ἀπὸ τοῦ πλήθους τῶν ἰχθύων.
7
Λέγει οὖν ὁ μαθητὴς ἐκεῖνος ὃν ἠγάπα ὁ Ἰησοῦς τῷ Πέτρῳ, Ὁ κύριός ἐστιν. Σίμων οὖν
Πέτρος, ἀκούσας ὅτι ὁ κύριός ἐστιν, τὸν ἐπενδύτην διεζώσατο- ἦν γὰρ γυμνός- καὶ ἔβαλεν
ἑαυτὸν εἰς τὴν θάλασσαν.
8
Οἱ δὲ ἄλλοι μαθηταὶ τῷ πλοιαρίῳ ἦλθον- οὐ γὰρ ἦσαν μακρὰν ἀπὸ τῆς γῆς, ἀλλ’
{NA ἀλλ’ > ἀλλὰ } ὡς ἀπὸ πηχῶν διακοσίων- σύροντες τὸ δίκτυον τῶν ἰχθύων.
9
Ὡς οὖν ἀπέβησαν εἰς τὴν γῆν, βλέπουσιν ἀνθρακιὰν κειμένην καὶ ὀψάριον ἐπικείμενον,
καὶ ἄρτον.
10
Λέγει αὐτοῖς ὁ Ἰησοῦς, Ἐνέγκατε ἀπὸ τῶν ὀψαρίων ὧν ἐπιάσατε νῦν.
11
Ἀνέβη Σίμων
{NA Σίμων > οὖν Σίμων } Πέτρος, καὶ εἵλκυσεν τὸ δίκτυον ἐπὶ
{NA ἐπὶ τῆς γῆς > εἰς τὴν γῆν } τῆς γῆς, μεστὸν ἰχθύων μεγάλων ἑκατὸν πεντήκοντα τριῶν· καὶ τοσούτων ὄντων, οὐκ ἐσχίσθη
τὸ δίκτυον.
12
Λέγει αὐτοῖς ὁ Ἰησοῦς, Δεῦτε ἀριστήσατε. Οὐδεὶς δὲ ἐτόλμα τῶν μαθητῶν ἐξετάσαι αὐτόν,
Σὺ τίς εἶ; εἰδότες ὅτι ὁ κύριός ἐστιν.
13
Ἔρχεται οὖν
{NA οὖν ὁ > - } ὁ Ἰησοῦς, καὶ λαμβάνει τὸν ἄρτον, καὶ δίδωσιν αὐτοῖς, καὶ τὸ ὀψάριον ὁμοίως.
14
Τοῦτο ἤδη τρίτον ἐφανερώθη ὁ
{NA ὁ > - } Ἰησοῦς τοῖς μαθηταῖς αὐτοῦ,
{NA αὐτοῦ > - } ἐγερθεὶς ἐκ νεκρῶν.
15
¶Ὅτε οὖν ἠρίστησαν, λέγει τῷ Σίμωνι Πέτρῳ ὁ Ἰησοῦς, Σίμων Ἰωνᾶ,
{NA Ἰωνᾶ > Ἰωάννου } ἀγαπᾷς με πλεῖον
{NA πλεῖον > πλέον } τούτων; Λέγει αὐτῷ, Ναὶ κύριε· σὺ οἶδας ὅτι φιλῶ σε. Λέγει αὐτῷ, Βόσκε τὰ ἀρνία μου.
16
Λέγει αὐτῷ πάλιν δεύτερον, Σίμων Ἰωνᾶ,
{NA Ἰωνᾶ > Ἰωάννου } ἀγαπᾷς με; Λέγει αὐτῷ, Ναὶ κύριε· σὺ οἶδας ὅτι φιλῶ σε. Λέγει αὐτῷ, Ποίμαινε τὰ πρόβατά
μου.
17
Λέγει αὐτῷ τὸ τρίτον, Σίμων Ἰωνᾶ,
{NA Ἰωνᾶ > Ἰωάννου } φιλεῖς με; Ἐλυπήθη ὁ Πέτρος ὅτι εἶπεν αὐτῷ τὸ τρίτον, Φιλεῖς με; Καὶ
{NA Καὶ εἶπεν > Καὶ λέγει } εἶπεν αὐτῷ, Κύριε, σὺ
{NA σὺ πάντα > πάντα σὺ } πάντα οἶδας· σὺ γινώσκεις ὅτι φιλῶ σε. Λέγει αὐτῷ ὁ
{NA ὁ Ἰησοῦς > [ὁ Ἰησοῦς] } Ἰησοῦς, Βόσκε τὰ πρόβατά μου.
18
Ἀμὴν ἀμὴν λέγω σοι, ὅτε ἦς νεώτερος, ἐζώννυες σεαυτόν, καὶ περιεπάτεις ὅπου ἤθελες·
ὅταν δὲ γηράσῃς, ἐκτενεῖς τὰς χεῖράς σου, καὶ ἄλλος σε ζώσει, καὶ οἴσει ὅπου οὐ θέλεις.
19
Τοῦτο δὲ εἶπεν, σημαίνων ποίῳ θανάτῳ δοξάσει τὸν θεόν. Καὶ τοῦτο εἰπὼν λέγει αὐτῷ,
Ἀκολούθει μοι.
20
Ἐπιστραφεὶς δὲ
{NA δὲ > - } ὁ Πέτρος βλέπει τὸν μαθητὴν ὃν ἠγάπα ὁ Ἰησοῦς ἀκολουθοῦντα, ὃς καὶ ἀνέπεσεν ἐν τῷ
δείπνῳ ἐπὶ τὸ στῆθος αὐτοῦ καὶ εἶπεν, Κύριε, τίς ἐστιν ὁ παραδιδούς σε;
21
Τοῦτον ἰδὼν
{NA ἰδὼν > οὖν ἰδὼν } ὁ Πέτρος λέγει τῷ Ἰησοῦ, Κύριε, οὗτος δὲ τί;
22
Λέγει αὐτῷ ὁ Ἰησοῦς, Ἐὰν αὐτὸν θέλω μένειν ἕως ἔρχομαι, τί πρός σε; Σὺ ἀκολούθει
{NA ἀκολούθει μοι > μοι ἀκολούθει } μοι.
23
Ἐξῆλθεν οὖν ὁ
{NA ὁ λόγος οὗτος > οὗτος ὁ λόγος } λόγος οὗτος εἰς τοὺς ἀδελφούς, ὅτι ὁ μαθητὴς ἐκεῖνος οὐκ ἀποθνῄσκει· καὶ
{NA καὶ οὐκ εἶπεν > οὐκ εἶπεν δὲ } οὐκ εἶπεν αὐτῷ ὁ Ἰησοῦς, ὅτι οὐκ ἀποθνῄσκει· ἀλλ’, Ἐὰν αὐτὸν θέλω μένειν ἕως ἔρχομαι,
τί
{NA τί πρός σε > [τί πρὸς σέ] } πρός σε;
24
¶Οὗτός ἐστιν ὁ μαθητὴς ὁ μαρτυρῶν περὶ τούτων, καὶ γράψας
{NA γράψας > ὁ γράψας } ταῦτα· καὶ οἴδαμεν ὅτι ἀληθής ἐστιν
{NA ἐστιν ἡ μαρτυρία αὐτοῦ > αὐτοῦ ἡ μαρτυρία ἐστίν } ἡ μαρτυρία αὐτοῦ.
25
¶Ἔστιν δὲ καὶ ἄλλα πολλὰ ὅσα
{NA ὅσα > ἃ } ἐποίησεν ὁ Ἰησοῦς, ἅτινα ἐὰν γράφηται καθ’ ἕν, οὐδὲ
{NA οὐδὲ > οὐδ’ } αὐτὸν οἶμαι τὸν κόσμον χωρῆσαι τὰ γραφόμενα βιβλία. Ἀμήν.
{NA Ἀμήν > - }