730 Acta Apostolicæ Sedis - Commentarium Officiale

ad nativum pagum rediit, ubi tamen rerum conditio valde periculosa videba-

tur et ei maxime, quia magna in rerum perturbatone, augeri contra Eccle-

siam, etiam apertis crudelibus facinoribus, incipiebat odium, quod Marxismo

adhaerentes milites tumultuarii profìtebantur, eo ut aestate anno 1944 ipse

parochus percuteretur et alio incolumitatis causa a superioribus traduceretur.

Gravitate rerum cognita, Servus Dei utcumque vestem talarem induere

voluit, ostendens hoc signo suam constantiam in sacerdotalem vocationem,

quam ille singulariter diligebat. Cuidam eum praemonenti de gravi periculo

instante, ille, nec irrisiones nec iniurias aut graviores exitus timens, gene-

roso spiritu respondebat: « Nequeo, non datur enim vestem demittere. Non

timeo, honori habeo hanc vestem induere. Delitescere non possum. Domino

enim omnino sum! ».

Die 10 mensis Aprilis anno 1945, Sancta Missa audita, proximam in

silvam se ad studendum contulit, aliquos libros secum ferens. Cum paren-

tes eum cenae tempore domo regredi non vidissent, quaesiverunt eum et

in illa silva invenerunt scidulam hac inscriptione exaratam: " Eum nolite

quaerere, nobiscum paulisper venit" Enim ille deprehensus est tumultuariis

ac communistis a militibus, qui eum in locum dictum Piane di Monchio in

agro Mutinensi deduxerunt ibique eum accusaverunt Iesum Christum sequi

et veste exuerunt, in eum insultaverunt et corpus eius ceciderunt. Huma-

na pietate odio oppressa, eum triduo tormentis excruciaverunt denique

die 13 mensis Aprilis anno 1945 duobus igneis glandibus manuballistulae

occiderunt.

Eius mors ab omnibus aperte videbatur martyrium. Haec fama in Ec-

clesia crevit, qua re, a die 7 mensis Ianuarii ad diem 24 mensis Iunii anno

2006 iuxta Curiam Mutinensem-Nonantulanam Inquisitio dioecesana cele-

brata est, cuius iuridica validitas ab hac Congregatone de Causis Sanctorum

per Decretum diei 30 mensis Novembris anno 2007 est approbata. Exarata

Positione, die 18 mensis Maii anno 2012 Congressus Peculiaris Consultorum

Theologorum, positivo cum exitu, habitus est. Patres Cardinales et Episcopi

in Sessione Ordinaria se congregati, die 8 mensis Ianuarii anno 2013, me

Angelo Card. Amato praesidente, agnoverunt Servum Dei propter fìdelitatem

suam in Christum et in Ecclesiam occisum esse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis