Congregatio de Causis Sanctorum 733

VIX anno post propter infaustum in opere Antonius autem brachio dextero

obtruncatus est, quod scelus summa quidem animi fortitudine pertulit.

Licet seposita eius apud missiones in Canadia septentrionali navitas quasi

videretur dilapsa, Antonius tamen eminenti Dei perquisitione per orationem

et humili pro communitate servitio emicuit. Paucos annos enim post infelicis-

simum casum illum, ad plurima alia officia, sicuti curam hortus et viridarii

vel machinarum rerumque restitutionem, in bonum communitatis, ad quam

traiectus est Paulopoli des Métis prope Edmontonium, proficienter valuit.

Ardens ac genuina spiritualitas, quae Florilegia sancti Francisci Assi-

siensis revocat, Fratris Antonii vitam incendit, qui Deum perquirendum

eiusque voluntatem adimplendam suipsius super omnia fecit conversationis

fundamentum. Perseverantia fidei speique constantia sollicitudinem eius ac

famulatus spiritum exceperunt: nam, ex oratione, quae praesertim eucha-

risticae adorationi innitebatur, virtutem fideliter et constanter vitae con-

secratae usus vivendi hausit et filiali insuper pietate, maxime per marialis

coronae precationem, Beatam Mariam Virginem coluit. Conversatio eius

exemplaris summa iuvenibus potissime vitam missionariam quaerentibus

fuit palaestra. Promptam acremque indolem suam fervidam in caritatem

erga omnes intendit ac fretam, quae assidua mansuetudine, habitus con-

siliique prudentia ac genuina animi gratia loquebatur. Miram integritatem

in pecunia adhibenda, sicut et honorum mundi neglectum, studium paeni-

tentiae et humilitatis parsimoniamque et continentiam iugiter exprompsit

et insignem christianarum virtutum cotidianis in communis vitae adiunctis

contigit perfectionem.

Edmontonii die 10 mensis Iulii anno 1947 pie in Domino quievit.

Ob sanctitatis famam Causa Beatificationis et Canonizationis apud Cu-

riam Archiepiscopalem Edmontonensem inita est per celebrationem Pro-

cessus Ordinarii a die 14 mensis Aprilis ad diem 11 mensis Augusti anno

1952, quem Processus Apostolicus a die 23 mensis Septembris anno 1982

ad diem 24 mensis Iunii anno 1983 apud eandem Curiam habitus, secutus

est, quorum auctoritas et vis iuridica a Congregatione de Causis Sanctorum

die 26 mensis Martii anno 1993 probatae sunt. Positione confecta, die 15

mensis Novembris anno 2011 in Congressu Peculiari Consultorum Theolo-

gorum prospero cum exitu disceptatum est, iuxta consuetudinem, an Servus