26. (5) In Nativitate Domini.

(Cathem. IX, 10-12; 19

27; 109 - 111).

1. Corde natus ex parentis ante mundi exordium,

Alpha et 0 cognominatus, ipse fons et clausula

Omnium, quae sunt, fuerunt, quaeque post futura sunt saeculorum saeculis.

2. 0 beatus partus ille, virgo cum puerpera

Edidit nostram salutem feta sancto spiritu,

Et puer, redemptor orbis, os sacratum protulit

saeculorum saeculis.

3. Psallat altitudo caeli,

psallant omnes angeli, Quidquid est virtutis usquam,

psallat in laudem Dei, Nulla linguarum silescat, vox et omnis consonet saeculorum saeculis.

4. Ecce, quem vates vetustis concinebant saeculis,

Quem prophetarum fideles paginae spoponderant,

Emicat promissus olim, cuncta collaudent eum saeculorum saeculis.

5. Te senes et te juventus, parvulorum te chorus, Turba matrum virginumque,

simplices puellulae Voce concordes pudicis perstrepant concentibus saeculorum saeculis.

6. Tibi, Christe, sit cum patre

hagioque spiritu Hymnus, melos, laus perennis,

gratiarum actio, Honor, virtus, victoria,

regnum aeternaliter

saeculorum saeculis.

1, 5 fuere G.

nach Str. 1 schiebt K ein Cathem. IX, 16

18:

Corporis formam caduci, membra mort (s) obnoxia Induit, ne gens periret primoplasti ex germine, Merserat quam lex profundo noxialis tartaro.