27. (6. ) Incipit Versus omni Hora.

(Cathem. IX, 1

25).

R Haec mihi dulcis canoro laudet lyra cantico.

1. Da, puer, plectrum, choreis

ut canam fidelibus Dulce carmen et melodum,

gesta Christi insignia; Hunc camena nostra solum

pangat, hunc laudet lyra.

2. Christus est, quem rex sacerdos

adfuturum protinus Infulatus concinebat

voce, chorda et tympano, Spiritum caelo influentem

per medullas hauriens.

3. Facta nos et iam probata pangimus miracula, Testis est orbis, nec ipsa

terra, quod vidit, negat, Comminus Deum docendis proditum mortalibus.

4. Corde natus ex parentis ante mundi exordium, Alpha et eo cognominatus,

ipse fons et clausula Omnium, quae sunt, fuerunt quaeque post futura sunt.

5. Ipse iussit, et creata,

dixit ipse, et facta sunt

Terra, caelum, fossa ponti, trina rerum machina,

Quaeque in his vigent sub alto solis et lunae globo.

6. Corporis formam caduci membra morti obnoxia

Induit, ne gens periret primoplasti ex germine,

Merserat quem lex profundo noxialis tartaro.

7. 0 beatus ortus illo, virgo cum puerpera

Edidit nostram salutem feta sancto spiritu,

Et puer, redemptor orbis, os sacratum protulit

8. Psallat altitudo caeli, psallant omnes angeli,

Quidquid est virtutis usquam, psallat in laudem Dei,

Nulla linguarum silescat, vox et omnis consonet.