ACTA BENEDICTI PP. XVI

LITTERAE DECRETALES

I

Quibus Beatae Alfonsae ab Immaculata Conceptione, saeculari nomine Anna

Muttahupadathu, Sanctorum honores decernuntur.

BENEDICTUS EPISCOPUS

servus servorum dei

ad perpetuam rei memoriam

« Animadverto me oblationem, doloris sacrificium destinavisse Domi-

num ».

Beata Alfonsa ab Immaculata Conceptione, saeculari nomine Anna

Muttahupadathu appellata, hoc modo suam vitam designat, quae iam puella

cum Domini nostri cruce coniungebatur. In oppido Kudamaloor, in regione

Arpookara dioecesis Changanacherrensis Keralae status Indiae, die XIX men-

sis Augusti anno MCMX ex antiqua familia ritus Syro-Malabarensis orta est.

Iuvenis se ad vitam religiosam vocari animadvertit atque non paucas post

difficultates matrimonium detrectavit atque die II mensis Augusti anno

MCMXXVIII Congregationem Clarissarum Franciscalium in oppido Bharanan-

ganam est ingressa. Diuturno morbo correpta die tantum XIX mensis Martii

An. et vol. CII 3 Septembris 2010 N. 9

ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana