ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

Quibus beato Ioanni Paulo II Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Nos, qui credidimus, novimus caritatem, quam habet Deus in nobis »

( 1 Io 4, 16).

Vitam et sanctitatem beati Ioannis Pauli II intueri sibi vult operam

amoris Dei in illo adimpletam contemplari qui, tenuitate Dei recognita,

se ipsum gratia percurri sivit quae, sicut flumen, eius transiens vitam,

ex ea verum praestantissimum opus effecit. Ipse enim, signa praesentiae

divinae in vita sua perscrutans, intellexit quo modo eius factus sit debitor.

« Debitor factus sum! ». Haec verba eius altissimam significant sententiam

erga electionem divinitus patratam ad munus Summi Pontificis exercen-

dum. Constituunt etiam clavem interpretationis longi pontificatus filii populi

Poloniae. « Homo sine amore vivere nequit. Sibimet manet quiddam, quod

incomprehensibile est, eiusque vita sensu privatur, nisi amor ei praebetur,

nisi invenit amorem, nisi amorem experitur suumque efficit, nisi penitus

amorem participat » - adfirmabat Summus Pontifex primis in suis litteris

encyclicis (Redemptor hominis, n. 10). Populus Dei, cum Ipse etiam vivebat

atque eius decessus appropinquabat, sanctitatem percepit quae magis quam

An. et vol. CVII 5 Iunii 2015 N. 6