ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

CONSTITUTIO APOSTOLICA

DANLIENSIS

In Honduria, dismembratis quibusdam territoriis ecclesiasticae circumscrip- tionis Tegucigalpensis, dioecesis Danliensis conditur.

FRANCISCUS EPISCOPUS

ServuS Servorum dei

ad perpetuam rei memoriam

Insita humanae naturae necessitas est, ut, qui aliquid operando efficiat, eidem liceat et gerendarum rerum praestare rationem et seipsum operam dando perficere. In Ecclesia praesertim huiusmodi labor ita evehitur atque nobilitato, ut ad animi perfectionem homines perducat et ad christianae Redemptionis fructus ceteris impertiendos et quoquoversus propagandos conferre valeat. Quibus perpensis, in his apostolicae Nostrae sollicitudinis partes libenter interponentes, per quae dioecesium regimini opportune consulatur, mentem Nostram convertimus ad petitionem Venerabilis Fratris Nostri Ansgarii Andreae S.R.E. Cardinalis Rodriguez Maradiaga, S.D.B., Archiepiscopi Tegucigalpensis, qui, audita Conferentia Episcoporum Hon- duriae, ab Apostolica Sede enixe postulavit ut, ecclesiasticae circumscrip- tionis eidem concreditae quibusdam dismembratis territoriis, nova exinde erigeretur dioecesis.

Nosmet Ipsi, prospero Venerabilis Fratris Novati Rugambwa, Archiepis-

copi titolo Tagariensis et Apostolici Nuntii in Honduria, praehabito voto, de

Consilio Congregationis pro Episcopis, preces ad Nos admotas animarum

saluti valde profuturas censuimus libentesque excipiendas decrevimus.

An. et vol. CIX 3 Martii 2017 N. 3