COMMENTARII IN LIBRUM BARUCH.

 Prologus D. Hieronymi in librum Baruch.

 EXPOSITIO PROLOGI D. HIERONYMI IN LIBRUM BARUCH.

 Caput I

 IN CAPUT I BARUCH

 CAPUT II.

 IN CAPUT II BARUCH

 CAPUT III.

 IN CAPUT III BARUCH

 CAPUT IV.

 IN CAPUT IV BARUCH

 CAPUT V.

 IN CAPUT V BARUCH

 CAPUT VI.

 IN CAPUT VI BARUCH

 INDEX Locorum sacrae, Scripturae, qui in Commentariis in Baruch explicantur.

 EX VETERI TESTAMENTO

 EX NOVO TESTAMENTO

COMMENTARII IN LIBRUM BARUCH.

PRAEFATIO D. ALBERTI.

Psal. cxvii, 26: Benedictus qui venit in nomine Domini, In hoc verbo Auctor et causa suscepti operis demonstratur, et scripturae hujus auctoritas. Auctor, quia Baruch interpretatur benedictus: in benedictione enim venit Domini. Genes, XXIV, 31: Ingredere, benedicte Domini. Ad Roman. xv, 29: Veniens ad vos, in abundantia benedictionis Evangelii Christi veniam. Propter quod dicitur venire quasi in adjutorium Jeremiae qui a Deo missus est, seu provide occurrere. Proverb. xviii, 19: Frater qui adjuvatur a fratre, quasi civitas firma.

Auctoritas autem scripturae notatur in hoc quod dicitur: In nomine Domini, Nomen enim a notitia impositum est: notitia autem Dei, qui veritas est sola, dictis praebet auctoritatem: auctoritas enim ex revelatione est, revelatio autem firmissimum fundamentum est quod haberi potest. Proverb. viii, 8: Justi sunt omnes sermones mei, non est in eis pravum quid, neque perversum. Joan. xvii, 17: Sanctifica eos in veritate. Sermo tuus veritas est. In sermone enim Dei, notitia Dei habetur: ex notitia vero nomen invocatur: ex nolitia vero nomen invocatur: ex notitia ergo benedictio sive Baruch illuminatio infunditur. Numer. VI, 27: Invocabunt nomen meum super filios Israel, et ego benedicam eis.

Causa autem suscepti operis per hoc habetur quod dicitur, Psal. cxvii, 27: Deus Dominas, et illuxit nobis. Ut enim Deus Dominus esse cognoscatur, et non idola, et haec lux veritas animabus hominum infundatur, praesens opus a Propheta susceptum est. Psal. xlix, 1: Deus deorum, Dominus, locutus est, et vocavit terram,. Verum enim est quod Deus deorum nobis loquitur, et advocata terra ad auditum, tota terra illustratur. Ezech. xliii, 2: Terra splendebat a majestate ejus. Joan I, 9: Illuminat omnem hominem venientem in hunc mundum. Eccli. XXIV, 45: Illuminabo omnes sperantes in Domino.