sig. 2.

Unde oriantur metalla ?

Alchimia est ars ab Alchimo inventa, et dicitur ab archymo sig. raece, quod est massa Latine , Per hanc enim artem reducuntur metalla quae in mineris sunt corrupta, et imperfecta ad perfectionem.

Et notandum, quod metalla differunt inter se accidentali forma tantum, non essentiali : ergo possibilis est spoliatio accidentium in metallis. Unde possibile est per artem novum corpus constitui : quia omnia metallorum genera generantur in terra ex sulphure et argento vivo commistis, vel etiam propter terram foetidam. Sicut enim puer in ventre matris suae ex corrupta matrice contrahit infirmitatem ex causa loci per accidens, et corruptione, quamvis sperma fuerit mundum, tamen fit puer leprosus et immundus causa matricis corruptae. Sic est in metallis, quae corrumpuntur, vel sulphure corrupto, vel terra foetida : unde h ae c est differentia omnium metallorum, qua differunt inter se.

Quando enim sulphur mundum ru- beum occurrit argento vivo in terra, inde aurum generatur tempore brevi vel longo per assiduitatem vel decoctionem naturae sibi subservientes. Quando vero mundum et album occurrit argento vivo in terra munda, inde generatur argentum, quod differt ab auro in hoc, quod sulphur in auro rubeum, in argento album fuerit. Quando autem sulphur rubeum, corruptum et urens occurrit argento vivo in terra, inde generatur cuprum, et non differt ab auro nisi in hoc, quod in auro non fuit corruptum, hic vero corruptum. Quando vero sulphur album, corruptum et urens occurrit argento vivo in terra, inde generatur stannum : et quia stridet inter dentes, et velocem habet liquefactionem, ideo est, quia argentum vivum non fuit bene commistum cum sulphure. Quando vero sulphur album, corruptum et urens occurrit argento vivo in terra, faetida, inde generatur ferrum. Quando sulphur nigrum et corruptum occurrit argento vivo, inde generatur plumbum, de quo dicit Aristoteles, quod plumbum est aurum leprosum.

Jam satis dictum est, unde metalla habeant originem, et quomodo inter se differant forma accidentali, et non essentiali. Restat nunc videre de probationibus Philosophorum, et auctoritatibus, quomodo probent esse veram hanc artem, ut obviare possimus aliis qui contradicunt eam non esse veram.