1. In Nativitate Domini.

1. Caeleste organum hodie
sonuit in terra ;

2. Ad partum virginis
superum cecinit caterva.

3. Quid facis, humana turba?
Cur non gaudes cum supera?

4. Vigilat pastorum cura;
vox auditur angelica.

5. Cantabant inclita carmina,
plena pace et gloria ;

6. Ad Christum referuntpropria,
nobis canunt ex gratia.

7. Nec cunctorum sunt haec dona,
sed mens quorum erit bona ;

8. Non sunt absolute data,
differenter sunt prolata.

9. Affectus deserat vitia,
et sic nobis pax est illa,
quia bonis est promissa.

10. Iunguntur superis terrea ;
ob hoc quidem laus estiuncta,
sed decenter fit divisa.

11. Gaude, homo,

cum perpendis talia I

12. Gaude, caro,

facta Verbi socia I

13. Nuntiant

eius ortum aethera
lucis per indicia.

14. Subeunt

duces gregum lumina
Bethlem usque praevia.

15. Invenitur
rex caelorum
inter animalia ;

16. Arto iacet
in praesaepi
rex, qui cingit omnia.

17. Stella maris,
quem tu paris,
colit hunc ecclesia ;

18. Ipsi nostra
per te pia
placeant servitia.

19. Iam dicantur alia.