1. De Adventu Domini.

1 a. Magno caeli factore
fuit decretum

1b. Et ab aeternitate
praedestinatum,

2 a. Ut sempiterno

hominem filio redimeret

2 b. Et a subdolo

calumniatore eximeret.

3 a. Filium, qui in patris
corde semper fuit,

3 b. Hunc in terras nostram ob
salutem demisit.

4 a. Is, cum sex lustra

in mundo [hoc] peregisset,

4 b. Miraculis hunc

quam plurimis replevisset,

5 a. Verbum suum vivificum
palam praedicavit

5 b. Et cunctis credulis viam
caeli commonstravit.

6 a. Da, Christe, nobis
tuum verbum diligere

6 b. Eique semper

pura fide adhaerere,

7 a. Quo muniti et firmati
veniamus ad te tuti,

7 b. Ad visionem aeternam
ad lucemque sempiternam,

8. Ubi tibi dulcia
canunt Alleluia
per saeculorum saecula.