Prophetiae aliquot b. patris Francisci.

 Proph. I. Se religionem minorum fundaturum et sibi eam desponsaturum.

 Proph. II. Magnum se multorum principem fore.

 Proph. III. Pauperum amatorem et patriarcham fore.

 Proph. IV. Se per totum mundum respiciendum.

 Proph. V. Sacellum sancti Damiani Clarissarum futurum coenobium.

 Proph. VI. Minorum familiam multiplicandam.

 Proph. VII. Deum pro totius mundi profectu fratres minores misisse.

 Proph. VIII. Pauperum hospitalitatem Deo gratam.

 Proph. IX. Poenam in peccata relabentis esse graviorem.

 Proph. X. Virum quemdam suae mulieri reconciliandum, et nunc esse tempus clementiae, postea aequitatis.

 Proph. XI. Singularitatem et hypocrisim in religioso malam esse et perniciosam.

 Proph. XII. Cardinalem Ostiensem in Papam assumendum.

 Proph. XIII. Ordinum apostatas male interire.

 Proph. XIV. Magnum in ecclesia schisma et tribulationem futuram.

 Proph. XV. Superbiam et fastum religionibus perniciosum, et fratrem Eliam extra ordinem moriturum.

 Proph. XVI. Sanctorum meritis multoties Deum a puniendis peccatoribus se coercere.

Proph. II. Magnum se multorum principem fore.

Mundanis adhuc pompis et vanitatibus deditus divini amoris igniculo ad majora disponebatur paulatim, sed misericordia erga pauperes praecipue prae caeteris virtutibus gradatim afficiebatur. Quibus cum plurima pro Dei amore impenderet, pauperem quemdam militem obviam habuit, cui continuo nova, quae portabat, vestimenta donavit. Nocte vero sequenti alto sopori immersus speciosum ac amplum vidit palatium, militaribus armis crucis signo insignitis circumseptum promissumque accepit suum ac militum suorum, quidquid viderit, futurum. Expergefactus insolita et magna perfundebatur laetitia causamque sciscitantibus: " Scio " inquit, " magnum me principem futurum. "