200. (2. ) In sancti Martini.

Ad Nocturnum.

1. Martine, par apostolis, Festum colentes tu fove, Qui vivere discipulis Vis aut mori, nos respice.

2. Fac nunc, quod olim gesseras, Nunc praesules clarifica, Auge decus ecclesiae, Fraudes relide Satanae.

3. Qui ter chaos evisceras, Mersos reatu suscita. Diviseras ut chlamydem, Nos indue iustitiam.

4. Ut specialis gloriae Quondam recorderis tuae, Monastico nunc ordini Iam pene lapso subveni.

5. Sit trinitati gloria,

Martinus ut confessus est, Cuius fidem per opera Qui semper in nos roboret.