LIBER LEVITICI.

Vocavit autem Moysen, et locutus est ei Dominus, etc. .

Regina mundi dicitur ostium praesentatione, ad quod omnis peccator praesentari debet. Levit. i, 2 : Homo qui obtulerit. Glossa: voluntarie,hostiam Domino, ad placandum sibi Deum, offeret primo ad ostium tabernaculi, id est, ad Mariam, Unde Bernardus in Sermone de Nativitate B. Virginis : " Quidquid illud est, quod offerre paras, Mariae commendare memento, etc. "

Item, Ipsa est ostium mundationis. Levit. XIV, 11 et seq., leprosus, id est, peccator, mundatur ad ostium tabernaculi per agnum et oleum, id est, pinguedinem Dei, misericordiam, et gratiam. Et asperget oleo sacerdos leprosum septies coram Domino. Glossa : Ut ejiciantur septem daemonia, et ut recipiat Spiritum sanctum.

Item, Ipsa est arbor cibans, et obum- brans. Levit. xxiii, 40 et seq. : Sumetis vobis fructus, id est, Christi, arboris pulcherrimae, id est. Mariae, spatulasque palmarum. Glossa : id est, ramos continentiae, et castitatis conjugii. Et ramos ligni densarum, frondium. Glossa : Omnium virtutum, scilicet fructus, sed maxime misericordiam, quam oportet esse continuam, et permanentem. Et habitabitis in umbraculis septem diebus. Glossa : Tota vita pro umbraculo septem dierum habetur.

Item, Ipsa est annus, et tempus propitiationis. Levit. XXV, 9 et seq. : Clanges buccina mense septimo, decima die mensis, tempore propitiationis, etc. Glossa : Quia genus humanum bonitate, et clementia a corruptione liberatur, quibus in Adam dictum est : Pulvis es, et in pulverem reverteris .

Sanctificabisque annum quinquage-

simum, id est, Mariam, ei vocabis remissionem. Glossa : omnium peccatorum, omnium laborum : cunctis habitatoribus terrae tuae, non solum caeli, sed et terrae. Revertetur enim homo, scilicet peccator, ad possessionem suam. Glossa : paradisum, ei unusquisque rediet ad familiam pristinam. Glossa : Patriarcharum, et Prophetarum.

Item, Ipsa est tabernaculum unionis inter nos et Deum. Levit. XXVI, 11 et seq. : Ponam firmiter tabernaculum, meum in medio vestri. Tabernaculum.

id est, Mariam, quod est meum sanctitate meum firmitate, meum fidelitate, meum amplitudine, meum largitate, et hoc in medio vestri, quia communis est. Ei non abjiciet vos anima mea. Glossa : Audeo, et dico, quia anima Dei Christus est. Ac si dicat : Non abjiciet vos Filius meus.

Ambulabo inter vos. Glossa : homo factus. Et ero Deus vester, protegens, liberans, salvans, coronans. Vosque eritis populus meus, me timendo, ut Dominum : me amando, ut Deum I me laudando, ut creatorem.