2. De Nativitate DN.

1. Angelus Domini
Mariae nuntiat:
Spiritus sanctus
super te veniat.
2. Beata es

ex mulieribus,
Quod de te nascetur,
sanctum vocabitur.

3. Casta effecta

ex partu virgo est,
Gravida virgo
post partum virgo est.

4. De patre genitus
ante principium,
De matre natus
portatus gremium.
5. Ex Bethlehem

qui fuit oppido,
Ibi respexit,

qui erat optimus.
6. Pelicem dicunt

illum praesepium,
Ubi jacebat
excelsi filius.

7. Gaudebant illa
duo animalia,
Quia videbant
benignam animam.

8. Homines scrutabantur
scripturas legibus,
Perscrutabantur, ubi
nasceretur Christus.
9. In illa nocte

pastores vigilabant,
Voces audiebant,
psallentes angelos.
10. Kurrunt videre

illud, quod visum est,
Vident lactantem
exselsi filium.
11. Laetus sedebat

Joseph sanctissimus,
Quia videbat
regem altissimum.
12. Magi occurrunt

offerentes munera,
Stellam sequentes,
quae eos deduxerat.

13. Nuntium ducunt

ad regem impium,
Herodi dicunt,

quod Christus natus est.

14. Omnia fecit

in suo nomine,
Ut liberaret

deceptum hominem.
15. Postquam cognovit,

quod Christus natus est,
Tunc interfectio

parvulorum facta est.
16. Quaerebat Herodes
parvulos perdere,
Infra a bimatu
eos occidere.
17. Regnum Herodes

postquam expulsus est,
Infernum invenit,

postquam sepultus est.

18. Sanctus Johannes
venit de eremo
Ad baptizandum
quaerebat Dominum.

19. Totum mundis

Jordanis fluvius,
Vitam donavit
excelsi filius.

20. Virgo Maria,

quae virgo concepit,
Virgo permansit,

quae Christum genuit.

21. Xristus de coelo

salvator omnium,
Qui suscitavit

a morte Lazarum.

22. Ymnum et laudes
Deo referimus
Cum sanctis omnibus,
qui te glorificant.

23. Zachaeus per fidem
ascendit arborem,
Ut transeuntem
videret Dominum.