2. De Adventu Domini.

la. Veni, fili Mariae,
Aeternae rex curiae,
Nobis in auxilium.

1b. De nobis actum esset,
Si nobis defuisset

Tuum hic praesidium.

2 a. Verum in te speramus,
Te semper exspectamus,
Propugnator maxime.

2 b. Assis tua gratia
Miseris in hac via,
Consolator optime.

3 a. Audi nos congregatos,
In unum adunatos
Tui nominis ad gloriam.

3 b. Tua colimus festa
Memores die ista

Ac mitem adventum in terras.

4 a. Tua prece sedula
Pro nobis interpella
Apud patrem in caelis,

4b. Ut vivamus candide
Teque laudemus digne
Puro affectu cordis.

5 a. Da te hic colentibus,
In te confidentibus,
Tuae lumen gratiae,

5 b. Ut boc illuminati
Adipiscamur laeti
Vultum tuae gloriae.