3. De Sepulcro Domini.

In 1. Vesperis.
Antiphonae.

1. Christum nunc laudate,
Qui omnia creavit,
Et tumbam honorate,
Quam sibi reservavit.

2. Laudate Dominum,
Nam sine fallacia
Eius in aeternum
Manet laus et gloria.

3. Lauda regnaturum,
Elisos erigentem
Nobisque profuturum,
Escam egenti dantem.

4. Deo nostro laudem

Da sparsos congreganti,
Malignorum fraudem
Potenter conculcanti.

5. Lauda, Ierusalem,

Qui in te benedixit,
Sic et tu, Betlehem,

Christum, dum homo vixit.

R. Ad cuius nutum floruit

Omnis creatura,
In ara crucis aruit

Egens sepultura,
V. In amore et fervore

Gaudete mente pura.

Ad Magnificat.

A. A cruce deponitur
Corpus vulneratum
Et unguentis ungitur

Ad tumulum praeparatum.

Ad Completorium.
Super Nunc dimittis.

A. Tumuli iucunda
Iugis fraglantia
Sicut laetabunda
Populi frequentia.

Ad Matutinum.
Invitatorium.

Alleluia, regem
Gloriose sepultum,
Venite, adoremus.

Ad Nocturnum.
Antiphonae.

1. Qui in tumba torridum
Corpus dormitare
Voluit refloridum
Potenter suscitare.

2. Deus exaudivit me,

Cum ipsum invocarem.
Quem et in maerore
Sensi redemptorem.

3. Magnum nomen Dei

Est notum in Iudaea.
Et pacis locus ei
Paratus est in ea.

Responsoria.

1. Ortus sol in Bethlehem
Est valde speciosus,
Occidit Ierusalem,
Hinc factus radiosus.
V. Dum sic redit
Sibi cedit
Aer nubilosus.

2. In horto quodam fuerat
rumba dominicalis,
Ioseph quam exciderat,
Vir Christo specialis.
V. O praeclara
Tumba cara,
Nulla visa talis!.

3. In cordis nostri tumulo
Christus sepeliatur
Et virtutum cumulo
Feliciter ungatur,
V. Cum scis, qualis
Hospes, talis

Digne custodiatur.

In Laudibus.
Antiphonae.

1. Laudemus nunc sepulcri
Christi locum nobilem.
In eo nam sepultum
Vidimus immobilem.

2. In sacro monumento
Christi corpus iacuit,
Undique unguento
Fraglans balsamizavit.

3. Hoc Ioseph cisterna
Sepulcrum figuravit,

In quo pax aeterna
Metipsa habitavit.