1. De Incarnatione Verbi.

Grammatica.

1. Causans totam structionem

Regi vi vis excipit,
Ens cura rerum passionem

Accidentum suscipit,
Complens crux orationem,

Dum transit, repraecipit
Et figuris rationem

Ut naturam decipit.

Logica.

2. Inter locos locum nescit

Locus a contrariis,
Praedicatum obmutescit,

Fallitur in propriis,
Syllogismus enthymescit,

Circlus epichremiis,
Et de suis erubescit

Logica fallaciis.

Rhethorica.

3. Novus tropus in figura,

Dum locos dat actio,
Nec solvit causae statura

Sed deliberatio,
Quid concludat triiunctura,

Periodi transmissio,
Primus color in scriptura

Christi rubricatio.

Arithmetica.

4. Dum ab uno bis procedit

Sesquas, par se meditas,
Dum impar gumpho succedit,

Fit idem alteritas,
Semis bis se dodrans pedit

Libram triens piditas,
Metas tamen non excedit

Trisubstans medietas.

Geometria.

5. Suae artis in censura

Geometra fallitur,
Dum immensus sub mensura

Terrenorum clauditur,
In directum quadratura

Circuli dissolvitur,
Claudit sphaeram ligatura

Et sub ipsa clauditur.

Musica.

6. Dum factoris et facturae

Mira fit coniunctio,
Quaesintiuncta, quaeiuncturae,

Qui gumphi, quae ratio,
Tripente tetratessurae,

Bicicli mesnexio,
Suo stupet fracto iure

Musica proportio.

Astronomia.

7. Solis lumen luna tectum

Draconis certamine,
Nostrum vergit in defectum

Sol ortus in virgine,
Ternum reddat ut aspectum

Mars crucis quadramine,
In defectu dans effectum

Crisis sub imagine.