2. De divinis Nominibus.
(Margarita Exorcistarum.)

1. Deus pater piissime,
Christe Jesu dulcissime,
Spiritus clementissime,
Non est, Deus, rex praeter te.

5. Tu habitas, o Domine,
Incircumscripto lumine,
Aeternus sine tempore
In trinitatis nomine.
Sanctus ave, sanctus salve,
10. Sanctus trinus unus vale.

Tu sedes super Cherubim,
Gloriosus in Seraphim,
Abba pater, Ben filius,
Ruha amborum spiritus,

15. Deus deorum dominus,
Exaudi nos propitius.

EI, fortis rex, summe Deus,
Tu es primus, novissimus,
Praeter te non est alius.

20. Pax, ostium, vita, Jesus,

Aeterni patris filius,
Magni consilii angelus,
Sanctus procedens spiritus
Ab utroque paraclitus,

25. Patris natique spiritus,
Trinus unus altissimus,
Emunda me a sordibus
Et a cunctis criminibus
Et ab iniquitatibus.

30. Libera me propitius
A tribulationibus
Et a cunctis doloribus
Et ab infirmitatibus
Et de necessitatibus

35. Erue me propitius.

Clemens creator Eloi,
Te tremunt omnes angeli,
Adorant et archangeli.
Verbum patris ingeniti,

40. Tu theu ho monogeni,
Panis et vita saeculi.
Tu digitus dextrae Dei,
Donum Dei altissimi,
Ruha patris et filii,

45. Trinus unus, memor mei
Sis et Deus auxilii
Atque domus refugii,
Inter procellas saeculi,
Fluctus hujus exsilii,

50. Mihi labanti subveni,

O Eloe, theos fobos,
Deus timoris ischyros,
Anastasis, athanatos.
Verbum patris, veritas, os,

55. Tu destruxisti angelos
De coelis apostaticos.
Spiritus sanctus o theos,
Spiramen, sacrum, lumen, fos,
Super aquas Domini vox.

60. Trinus unus piissimos
Tuos super me oculos,
Rex, aperi dulcissimos.
Tu mitte sanctos angelos,
Ministros tuos inclitos,

65. Hodie mihi socios,
Adjutores fortissimos
Et custodes fidissimos

Ductores atque praevios,
Hostes repellant impios,

70. Superbos, reos, noxios.

Qui creasti, rex Sabaoth,
Cuncta simul ex nihilo,
Tu es Deus alpha et o.
Jesu, nostra redemptio,

75. Vita et resurrectio,
Salus, amor, defensio,
Tu criminum remissio,
A patre et a filio
Es spiritalis unctio.

80. Trinus unus, te obsecro,
Sis mihi tu protectio
Atque firma defensio,
Sis pia consolatio,
Sis criminum ablutio.

85. Peccatorum remissio
Meorum, Deus, obsecro.
Deus excelsus Elion,
Deus deorum pantheon,
Rerum creator hypsiston;

90. Emmanuel pantocraton
Pastorque homousion,
Salvator mundi tu theon ;
Patris, nati synhagion
Amborum sacrum pneumaton

95. Caritas, ignis, vivus fons;
Trinus unus, tu de Sion
Succurre mihi, pater on,
Per nomen tuum arrheton
Gloriosum strathymaton.
100. Ascher eje, rex, tibi est
Nomen, quod sempiternum est,
Et nomen, quod aetemum est ;
Moysi nomen, quod est Est,
Per angelum delatum est.
105. Per nomen tuum, quod est Est,
Quidquid mihi necesse est,
Concede mihi, Deus Est,
Aufer a me, quod malum est,
Et peccatum, quod abs te est;
110. Dona mihi, quod bonum est,
Illud, pater, quod per te est.

Adonai mirabilis,
Magnus et admirabilis,
Creator ineffabilis ;

115. Fili Dei amabilis,
Via infatigabilis,
Vitis immarcessibilis ;
Spiritus invisibilis,
Patri, nato visibilis,

120. Splendor inexstinguibilis ;
Trinus inseparabilis,
Unus indivisibilis,
Deus inenarrabilis,
Sis custos invincibilis,

125. Murus inviolabilis

Mihi, Deus laudabilis ;
Ne sis mihi terribilis,
Esto mihi placabilis;
Super me deprecabilis,

130. Libera me ab aemulis,
Ab impiorum laqueis
Et a cunctis periculis,
Ab omnibus insidiis.
Verus Deus, verus Ia,

135. Exaudi me et adjuva,
Ab omni malo libera,
Audi mea precamina
Et dimitte peccamina,
Solve nexorum vincula

140. Et da quieta tempora
Per haec sacrata nomina
Tua Deus sanctissima.
Per hoc nomen sanctissimum,
Magnum atque fortissimum,

145. Gloriosum et inclitum,

Per quod Adam in tartarum,
Dum esset in supplicium
In inferni miserrimum,
Te reclamavit Dominum,

150. Suum factorem proprium,
Et habuit propitium.
Hoc nomen sacratissimum,
Rex, explicare nequeunt
Omnes linguae viventium

155. Nec mens nec sensus hominum.
Nomenque anecfoneton,
Quod fronte tulit Aaron
Sculptum per tetragrammaton
Quatuor gemmis in petalon:

160. Joth, He, Vau, Heth Hebrai-
cum.

He iste sonat proprium,
Vau vita, Joth. principium,
Heth passionis obitum.
Latine sic expositum

165. Est Christus vita omnium.
Iste vitae principium
Per mortem, per patibulum,
Per passionis obitum.
Per hoc nomen piissimum,

170. Terribile, mitissimum,
Diem concede prosperum,
Aeteruae vitae praemium,
Praesentis vitae gaudium
Et, quod est necessarium,

175. Da mihi, factor omnium.
Deus communis omnium,
Per hoc nomen sanctissimum
Esto salus, refugium
Mihi et adjutorium

180. Et ubique praesidium.
Exsurge contra odium
Inimicorum omnium
Me quoque persequentium
Et in me insurgentium.

185. Tu destrue consilium
Illorum et eloqium
Invidiam et odium
Quo contra me insiliunt.
Per hoc nomen sanctissimum

190. Quod per crucis mysterium
Complevisti rex inclitum,
Per procedentem spiritum
Ab utroque paraclitum,
Quae hic te deprecatus sum,

195. Da mihi, factor omnium.
Rex Sadai omnipotens,
Rex angelorum praepotens,
Ad omnia sufficiens,
Justitiae sol oriens,

200. Lumen, lux indeficiens,
Sophia patris sapiens;
Spiritus sanctus procedens
Ab utroque, cuncta tenens,
Sciens, videns, intelligens ;

205. Trinus unus cunctipotens,
Sis mihi pius et clemens,
Misericors et patiens,

Dator nunquam deficiens
Qui es pius largifluens.

210. Tu patris sapientia
Via, vita et veritas,
Virtus patris et pietas,
Regressus, unde veneras,
In sinu patris habitas,

215. Ubi omnis divinitas
Est et perfecta deitas,
Immortalis aeternitas,
Deo patri in gloria
Coaequalis per omnia.

220. Ibi te, Jesu, alloquor,
Ibi te, Jesu, deprecor,
Te Deum verum fateor
Et hominem confiteor
Et judicem profiteor.

225. Jesu benigne, respice

Sursum te quaero, Domine,
In sinu patris, hagie,
Ubi sedes, rex gloriae,
Ad dextram patris, Domine,

230. Tu in patre, pater in te.
Ibi, Jesu, obsecro te,
Interveni, quaeso, pro me
Apud patrem, piissime.
Non voce dico, Domine,

235. Sed communi essentia
Et aequali potentia
Et pietate unica.
Tu, creator, creasti me,

Et tuo sancto sanguine,

240. Redemptor, redemisti me.
Et ideo invoco te
Et nomen tuum super me.
Verbum patris, visita me
In pace tua, Domine.

245. Qui omnium pro salute
Ex illibata virgine
Humanam carmen sumere
Et sanguinem suscipere
Es dignatus, o Domine,

250. Jesu Christe, rex gloriae.
Rex regum, rex pacificus,
Rex dominator dominus,
Rex aeternus, rex immensus,
Rex supernus, rex benignus,

255. Rex coelestis, gloriosus,
Rex in regno tuo clarus,
Moderator rerum unus,
Qui gubernas cuncta solus,
Exaudi me propitius,

260. Mihi clemens sis et pius.
Cui servit ordo coelicus
Et coelestis exercitus.
Tibi patri ingenito
Natoque unigenito,

265. Spiritui paraclito

Laus, honor atque gloria,
Sit virtus et potentia
Per saeculorum saecula.

Hierauf folgt in E:

Principium iste et vita.

Per hoc nomen magnificentissimum

Et inaestimabile

Miserere nobis miserrimis

In cunctis angustiis

Et necessitatibus

Corporis et animae.

Adjuva nos etiam,

Dulcissime Domine.