3. In Transfiguratione DN.

In 1. Vesperis.
Super Psalmos.

A. Salvator mundi, Domine,
Deus verus in homine,
Quos tuo signas lumine,
Da semper frui numine.

Ad Magnificat.

A. Exsultet spiritus

In vero salutari,
Qui fecit coelitus

Se transfigurari,
Ut nix candet habitus

Radio solari,
Vultus lucet penitus

Claritate pari.

Ad Matutinum.

Invitatorium.

Adoremus luminis
Paterni splendorem,

Qui transformat hominis
Vultum in decorem.

In 1. Nocturno.
Antiphonae.

1. Praegustatur hodie
Ligni vitae fructus,
Plantati miseriae

Secus nostrac fluctus.

2. Salva nos propitius

Ab irae brevis aestu,
Cui dixit Dominus:
Filius meus es tu.

3. In spe singulariter
Nos constituisti,
Vultus tui lumine
Dum nos perfudisti.

Responsoria.

1. Mentem excutiens,

homo, de pulvere
Stude cum Domino

montem conscendere,
Quo Christi gloriam

possis conspicere,
V. Quam suis hodie

promisit cernere,
Amictum gloriae

volens induere.

2. Seorsim a scoria

Plebis elevati
Visionis gloria

Sunt irradiati
In dulci praesentia

Christi transformati.
V. Qui se levant supra se,

Monte sunt beati,
Visionis coelicae

Gustu debriati.

3. Christus dat se fulgidum

In carne passura,
Ne nobis sit dubium

De dote futura,
Sed juge convivium

Mens speret secura.
V. Attriti poenaliter

Via mundi dura
Fulgebunt sublimiter

Contra carnis jura.

In 2. Nocturno.
Autiphonae.

1. Innocentes manibus,
Mundo corde puri
In decore gloriae
Regem sunt visuri.

2. De coelo intonuit
Deus majestatis:
In quo mihi placuit,
Ipsum audiatis.

3. Hominum prae filiis
Forma speciosus,
Christus nitens vestibus,
Vultu luminosus.

Responsoria.

1. Claritate fulgida

Facies lucescit,
More nivis candida

Vestis enitescit,
Haec est vita lucida,

Quae finiri nescit.
V. Nix misericordiae

Solamen expressit,
Ardens sol justitiae

Clarae typum gessit.

2. Tres assumpti cum stupore,
Helias cum legis latore
Admirantes prae splendore
Adstant coram salvatore,

V. Verum probant legis more
Trium aut duorum ore.

3. Clara revelatur

via clausa, fides reseratur
Fulgida stratu datur,

per quam pia plebs gradiatur,
Vox patris est testis,

vultus, lux, candida vestis ;
V. Cernite splendorem

vultus vestisque nitorem.

In 3. Nocturno.
Antiphonae.

1. Vehementer fortcs dii
terrae elevati
Speciem Dei Jacob
vident transformati.
2. Gustu brevi dulcium
nostra mens affecta
Concupiscit acrius
atria dilecta.
3. Lex per Moysen est data,
A prophetis testificata,
Quorum Christi praesentia
Completa sunt praeconia.

Responsoria.

1. Circumstantes terruit

Splendor claritatis,
Quibus mens elanguit

In terram prostratis,
Sed nubes apparuit,

Signum lenitatis.
V. De coelis intonuit

Deus majestatis,
Humanae contremuit

Virga parvitatis.

2. Petrus raptus gaudio
Tantae visionis
Non se regit praevio

Ductu rationis,
Quod probat indicio
Prolati sermonis:
V. Fiant tabernacula
Trinae mansionis,
Bonum est per saecula
Tantis frui bonis.

3. Transformate

Salvator hodie,
Nos reforma

per vitam gratiae,
Hic informa

lima justitiae,
Hinc transforma

in luce gloriae;
V. Tibi mundos

a faece scoriae
Revelata

conforma facie.

In Laudibus.
Antiphonae.

1. Decorem Christus induit,
Paterna vox insonuit,
Ista testimonia
Nimis credibilia.

2. Transformati gloria
Nos facit sitire,
Quo donetur atria
Ejus introire.

3. Super nos illumina

Vultum tuum, Christe,
Cujus lucis gloria
Fulget dies iste.

4. Benedicat Dominum
Omnis creatura,
Qui se dedit fulgidum
In carne passura.

5. Laudent regem gloriae
Cuncta, quae creavit,
Cujus fulgor hodie
Solem superavit.

Ad Benedictus.

A. Ex alto nos oriens
Christus visitavit,

Cujus lucem fragile
corpus obumbravit,

Sed ut nos illuminet
se transfiguravit.

In 2. Vesperis.

Super Psalmos.

A. In splendoribus sanctorum
Salvator genitus,

In consilio justorum
Magnus est agnitus,

Rectis corde

dat lumen cernere,

Suscitatis

de mundi pulvere.

Ad Magnificat.
A. Lux fulget celebris
Christi praesentia,
De carnis latebris

Emicat gloria,
Quae nostris tenebris
Infundit gaudia.