4.
De purificatione B. M. V.

1. Ecce plena gaudio

Dies est exorta,
Qua de puerperio

Venit coeli porta
Ad templum cum filio,

Per quem est absor(p)ta
Acherontis ditio,

Mors quoque contorta.

2. Ad templum progreditur

Virgo mater Dei,
Inter ulnas geritur

Salus nostrae spei.
Piis votis Igitur

Occurramus ei,
Nunc cura festum colitur

Sacratae diei.

3. Virgo, vas munditiae,

Nulli nota mari,
Sicut matres aliae

Voluit purgari,
Dans obedientiae

Signum, Imitari
Hanc debemus hodie

Purgamento pari.

4. Currat ad ecclesiam

Modo gens fidelis,
Tollat Immunditiam

Peccati crudelis,
Imploretque gratiam

Domini de caelis,
Praebens reverentiam

Matri cum candelis.

5. Apportent In manibus

Ghristianae gentes
Praeclaris luminibus

Cerasque ardentes,
Intus sint virtutibus

Illustratae mentes,
Et sanctis operibus

Ut lumen splendentes.

6. Istud festum dicitur

Festum candelarum,
Quo scelus abluitur

Sordis et noxarum,
Atque cor accenditur

Gentium piarum,
Et Illud ostenditur

Juxta lumen clarum.

7. In candela bonitas

Triplex demonstratur,
Fides, spes et caritas,

Nam per ceram datur
Cognosci fidelitas,

Per filum signatur
Spes et cara pietas

Per lumen notatur.

8. His tribus virtutibus
Illustratus erit,
Ceram cum luminibus
In manu qui gerit,

Aliter abs fructibus
Templi loca quaerit,

Et a suis actibus
Totus valor perit.

9. Per candelas etiam

Nosco trinitatem:
Cera nosse propriam

Dat paternitatem,
Per filum eximiam

Verbi bonitatem,
Spiritus clementiam

Scis per claritatem.

10. Hi tres, debet firmiter

Credere mens pia,
Quod essentialiter

Una sunt usia,
Deus mirabiliter

Operatur quia,
Tres sunt personaliter,

Sed nequaquam tria.

11. Hunc Deum quae genuit

Natura devicta,
Se mundare voluit,

Quae neque delicta
Nec peccatum coluit,

Sed legis edicta
Refutare noluit

Virgo benedicta.

12. Miseri nos turpiter

Unde superbimus,
Cum gravati graviter

Per peccata simus?
Cur extollit taliter

Nos fastus subiimus,
Quos defoedat viliter

Peccatorum fimus?

13. Accedamus protinus

Ad Christum purgando
Nostrae mentis facinus,

Inveniri quando
Pius potest dominus,

Curramus plorando,
Nullus dies crastinus

Sit In exspectando.

14. O rectrix coelestium,

Salus et solamen
Miserorum omnium,

Per tuum juvamen
Nobis sit propitium

Judicis examen,
Ejus ne judicium

Nos condemnet. Amen.