3. In Epiphania Domini.

1. Gaudete, vos fideles,
gentium pars electa ;

2. Aethiopum nigredo
in Judam est translata.

3. Offerunt Arabes aurum,
Tharsis myrrham
et tus Saba.

4. Ostendunt mystice, quis sit,
cui sua
praebent dona:

5. Rex per aurum,
per tus sacerdos,
per myrrham sepultura.

6. Offeramus

re vera Christo,
quod reges in figura.

7. Examinemus mentes,
et aurum est in ara;

8. Mortificemur culpis,
et sic offertur myrrha ;

9. Turis odor optimi,
quod Sabaea protulit,
ad virtutum pertinet
sacramenta,

10. Cuius salutifera

lustrent nostra viscera
ad fomentum animae
flagramenta.

11. Ad ultimum laus est ducta ;
psallat chorus alia.