3. In Nativitate Domini.

1. Laudemus excelsa lyra

2 a. Natum Deum

ab inviolata muliere,
sibimet subiacente
potestate patris
omnia,

2 b. Pastoribus

quem angeli nuntiant cantantes:
" Gloria in excelsis
Deo atque pax
in terra";

3 a. Aeternum

a patris essentia

3 b. Filium

missum salvantem saecla,

4 a. Ut induens carnem claustra
devincat tartarea,

4b. Et, quae culpa protoplasti
paradiso perdita

5. Erant, restauraret femina.

6 a. Namque de eo
dictum est ad
Bethlehem per prophetam:

6 b. O domus panis,
terra Iuda
tu non eris minima,

7 a. Nam ex te exiet
dux excelsus,
phalangem
Israel qui regat,

7b. Aeternum solium
supersedens,
ascendens
(flos) virga Iesse sancta,

8. In qua quiescit alma doxa;

9 a. Angeli summa
cui gratulantur
melodia.

9b. O fides clara !
propinquante te
mundo solvantur

10. Chelidri vitio damnata,

11a. Panditur

te credentibus vita ;

11b. Pateat

baec cantantibus tibi

12. Alleluia.