4. De Arimathia

Ioseph a spectabili
Est parata via

Christi tumbae habili.

5. Locus a locato

Clare serenatur,
Christo, Deo nato,
Laus, honor, virtus datur.

Ad Benedictus.

A. Sepulcrum praeelegerat,
Cum per prophetam dixerat,

Quod esset gloriosum;
Adcelerent ad quod plurimi
Et venerentur cernui

Miraculis famosum.

In 2. Vesperis.
Ad Magnificat.

A. Gaudeant archangeli,
Laetentur et angeli
In hac festivitate,
Qua Christi tumba colitur
Et laudibus extollitur
Sacra sollemnitate.

4. In Praesentatione Beatae MV.

In 1. Nocturno.
Antiphonae.

1. Utero materno
Fuit consecrata
Mundi redemptorem
Virgo paritura.

2. Offerunt in templo
Virginem parentes,
Ut voverunt, Deo
Eam mancipantes.

3. Pneumatis impletur
Gratiarum donis,
Veri adornatur

Templum Salomonis.

Responsoria.

1. Sancta priusquam nata fuit
pia virgo Maria,
Ventre parentis clausa creantis
pneumate plena,
V. Pulchra nimis Dominoque
placens,
formosa, decora.

2. Regum, pontificum

de stirpe suum capit ortum,
Pontificem Christum

regem paritura supremum ;
V. Nobilis est genere,

sed nobilior probitate.

3. Trima gradus ter quinos
scandit ipsa libenter
Sola parentes non
exspectanssepraeparantes ;
V. Summo se teneris

Dominopraesentatinannis.

In 2. Nocturno.
Antiphonae.

1. Templi gradus trima
Quindecim ascendit,
Castitatem prima
Dominoque vovit.

2. Frequenter ab angelis
Virgo visitatur,
Quorum ab infantia
Vitam imitatur.

3. Seraphin et thronos
Vincit puritate
Superatque sanctos
Omnes pietate.

Responsoria.

1. Virginitatem prima

quae vovit virgo relinquens
Exemplum multis
postea virginibus ;

V. Omnis ab intus gloria
virginis exstitit huius.

2. Norma fuit cunctis
vivendi spiritualis
Instituens vitam
duxit et angelicam,

V. In Domini lege

meditatur nocte dieque.

3. Simplex, pacifica,

prudens humilisque pudica,
Gratis ornata

moribus ipsa fuit;
R. Pura fide, patiens

spe, miro fervet amore.

In 3. Nocturno.
Antiphonae.

1. Dono summi regis
Plena benedicto
Feminarum legis
Caret maledicto.

2. Sumens illud Ave
Gabrielis ore
Concipit intacta,
Parit incorrupta.

3. Mater opulenta,

Dulcis et benigna,
Nos tuo praesenta
Nato prece digna.

Responsoria.

1. Pneumatis imbuitur

doctrinis mente serena
Ac paradisi mortalis
praegustat amoena;

V. Haec genito patris

praeparatur mansio digna.

2. Virgo Maria, maris,

expers et criminis omnis,
Fit geniti patris

genetrix, quem non capit
orbis,

V. Cunctos praecellens,

speciali munere gaudens.

3. Absque dolore parit,

post partum virgo remansit,
Nutrit virgineo

de caelis ubere pleno;

V. Stella parit solem,

Gignit plasmata creantem.

Ad Laudes.

Antiphonae.

1. Plasmator caeli siderum
Lumen creat mirificum,
Cuius vita sanctissima
Illustratur ecclesia.

2. Munda ab omni crimine
Prodit ex regum germine,
Offertur a parentibus
Deo vota reddentibus.

3. Solis divinis usibus
Mancipanda prae ceteris
Magnis nitet virtutibus,
Custoditur ab angelis.

4. Prudens, cunctis humilior,
In amore ferventior,
Prior est in vigiliis,
Frequentior in canticis.

5. Professione, corpore
Et mente virgo exstitit,
Quae florem pudicitiae
Post generare debuit.

In 2. Vesperis.
Ad Magnificat.

A. O Maria, flos virginum,

Rosa sine spina,
Inter spinas lilium,

Stella matutina,
Sole, luna clarior,

Mundi medicina,
Balsamo suavior,

Caelorum regina,
Gloria prae ceteris

Et honore digna,
Nobis prece miseris

Succurre, benigna.