2. In Nativitate Domini.

1. Pastores dicite, quemnam vidistis?
Vidimus parvulum, quem credidistis.

R. Manibus plaudite, pedibus terite,
Natus est parvulus, ergo venite.

2. Nuntiat gaudium angelus fulgens,
Natus est parvulus crimina indulgens.

3. Vah, lacte pascitur cibus sanctorum,
In foeno ponitur rex angelorum.

4. Dulces panniculi, dulce praesaepe!
Felix est anima, quae videt saepe.

5. O quam mirabile! rex maiestatis
Nasci de virgine voluit gratis.

6. Hinc inter bestias positus iacet,
Hunc stella nuntiat, et ipse tacet.

7. Matre paupercula pauper est natus,
Nobis pauperculis, nobis est datus.

8. Iesum puerulum, putas, videbo?
Iesum dulcissimum quando tenebo?

9. Iam cum pastoribus volo transire,
Vult meus animus ad Iesum ire.

10. Me iam nullatenus possum tenere,
Cum Iesu parvulo volo gaudere.

11. Venite, pauperes, ac transeamus,

Hunc mundum sordidum iam dimittamus.

12. Sit tibi gloria, pater benigne,

Laudes per saecula sint tibi digne.