3. De divinis Nominibus.

1. Jesu Christe, summe Deus,
Sancte pater rex et meus,
Tu me clemens audi reum
Et intende nunc in meum

Pie adjutorium.
Sum injustus et immundus,
Fallax, vagus, iracundus,
Homo mendax, qui commisi
Multa mala et amisi
Divinum auxilium.

2. Nam offendi te scienter,
Matrem tuam et frequenter,
Qua de causa me odisti
Et hinc juste subtraxisti

Mihi tuam gratiam.
Sed confido prece matris,
Quod tu, fili Dei Patris,
A me tuam nunc avertas
Iram magnam et convertas
In misericordiam.

3. Juste judex, te iratum
Scio meum per peccatum,
Unde reus ad Mariam,
Tuam.matrem summe piam,
In hac vita fugio ;

Et tu, Christi mater pia,
Virgo dulcis, O Maria,
Tu quae porta es signata,
Mihi tu sis advocata
Coram tuo filio.

4. Virgo sancta, pro me ora
Et si placet in hac hora
Mihi redde, quod amisit,
Et indulge, quod commisit

Corpus atque spiritus.
Tu sis mihi medicina
Et de morte repentina
Et in vita temporali
Ab incursu hostis mali

Me defende coelitus.
5. Funde preces Deo meo
Pro me servo tuo reo
Et, dum vivo, me tuere,
Dona mihi possidere,

Quae sunt necessaria.
Ergo, Jesu, pater pie,
Preces matris in hac die
Tu exaudi, fili Dei,
Atque miserere mei

Mea et suspiria.

6. Tu qui sacer Adonai
Nominans et Sadai,
Emmanuel, Deus mecum,
Da ut semper mei tecum

Cordis sit principium.
Tu qui theos appellaris,
Athanatos et vocaris,
Ischyros, o Deus fortis,
Fac me scire diem mortis

Meum atque transitum.

7. Tu Deus [summus] Elion,
Qui das salutem in Sion,
Salva, Christe, me clamantem,
Nam te timet judicantem

Mea nunc fragilitas.
Deus pater theodoron,
Jesu Christe, fili, on,
Et amborum sacrum flamen,
Tu sis mihi adjuvamen,

Sancta Dei trinitas.
8. Sabaoth o et Messia,
Tetragrammaton et Ja,
Cuncta mala procul pelle,
Venti cedant et procellae,

Et turbo concutiens.
Tu lux mea, ops et vita,
Heli Deus, velis ita
Meam visere personam,
Ne res perdat et coronam

Angelus percutiens.

9. Mihi praesta sanitatem
Et banc confer pietatem,
Ut hinc hostes eflugentur,
Cum haec tua invocentur

Gloriosa nomina.
O vos omnes sancti Dei,
Sitis defensores mei,
In hac hora subvenite
Mihi reo et venite,

Beatorum agmina.

10. O magne princeps Michael,
Gabriel atque Raphael,
O chorus angelorum,
Coetus apostolorum,

Me reum defendite ;
O vos omnes confessores,
Sancti patres et doctores
Martyrumque turba pia
Dei matre cum Maria

Mihi nunc succurrite.
11. Et oretis pio more

Deum pro me peccatore,
Ut dignetur me salvare,
Mihi velit et praestare

Poenitendi spatia.
Ergo, Jesu pater, Christe,
Per quem vivit mundus iste,
Dona mihi possidere
Per te semper et habere

Sempiterna gaudia.