4. De Vulneribus DN.

In 1. Vesperis.
Antiphonae.

1. Adsunt sacrosancta festa
Beatorum vulnerum,
Quae inflixit gens funesta
Creatori siderum.

2. Hi cancelli pietatis,

Per quos sponsus prospicit,
Ad amplexus caritatis
Sponsam clemens allicit.

3. His in cavernis petrarum
Turtures nidificant
Et accipitris avarum
Raptum praeludificant.

4. Vasa pulchra regis fortis
Stillantia dulcedinem
Effugarunt dirae mortis
Perpetim acredinem.

Ad Magnificat.

A. Gaude, coelum, terra, plaude,
Festum adest dignum laude

Beatorum vulnerum
Christi, pii redemptoris,
Quem collaudat vox dulcoris
Hominis interioris

Dulcedine dragmatum.

Nos, qui vulnerum cruore
Redempti sumus, honore
Debito festum colamus
Vulnerum, perennibus
Ut inferamur gaudiis.

Ad Matutinum.
Invitato rium.

Adoremus summi regis

pretiosa vulnera,
Vigilanter offeramus

ipsi laudum munera.

In 1. Nocturno.
Antiphonae.

1. Pilatus vulneribus

Christi corpus cruciat,
Ut flagrum generibus
Sanguinem excutiat.

2. Cruor fluit roseus

Ex membris sacratis,
Per quae stillat dulciter
Gratia beatis.

3. Corpus mite Jesu

numeroso vulnere laesum,
Ad caput a planta
transvolat ille dolor.

Responsoria.
1. Agnus sine macula
Mundana piacula

Vulnerum cruore
Tergens tabernacula
Coeli fecit pervia
Flagranti amore.
V. ''Ad Deum accedite et illumina-
mini , et facies vestrae non
confundentur.''

2. Mira providentia
Diva sapientia

Domum, quam fundavit,
Ex gentis malitia
Praesidis militia
Flagris cruentavit.
V. Lana munda tingitur
Sanguine concilii,
Dum flagellis cingitur
Caro Dei filii.
3. Stolas tingunt martyres,
Genas pingunt virgines

In agni cruore,
Ex fontibus vulnerum
Debriantur plurimum
Angeli dulcore.
V. Ad Christum accedite,
Mundo corde bibite
Poculum salutis.

In 2. Nocturno.
Antiphonae.
1. Mare fudit aeneum
Salomon in templo,
Ut mundetur sordidum
Sanguinis exemplo.
2. Coccus bis cinctus

est Christi sanguine tinctus,
Qui mortis geminae
vincula dura tulit.
3. O beata latria

Christi, per quam patria

Coeli reseratur,
O praeclara vulnera,
Clavi, spina, lancea,
Per quae vita datur.

Responsoria.

1. Hoedi tincta sanguine

Tunica talaris

Est cruoris unguine

Caro salutaris
Purpurata stipite
Sacri torcularis.
V. ''Torcular calcavi solus, et de
gentibus non est vir mecum.''

2. Templum tabernaculi

pellibus caprinis
Rubricatis tegitur

atque jacinthinis,
Sic verbum altissimi

vulnerum sentinis
Purpuratum corpore

protegit ab imis.
V. ''Cui diximus: sub umbra tua
vivemus in gentibus.''

3. Christus vulneratus est

pro nostris peccatis,
Pro mundi sceleribus

attritus est gratis ;
O insignis gratia,

honor libertatis
Immolato filio

redit venumdatis.
V. ''O inaestimabilis dilectio cari-
tatis, ut servum redimeres,
filium tradidisti.''

In 3. Nocturno.
Antiphonae.

1. Vulnerasti, sponsa, meum
Cor amoris jaculo
Taliter, ut pro te crucis
Sim affixus baculo.

2. Sponse dulcis deitate,
Floribus humilitate,
Vulnerate caritate,
Quaeso, mihi dic, amate,
Ubi te reperiam?

3. Sum in horto voluptatis,
Areola aromatis,
Carpens rosas caritatis
Et lilias castitatis,
Humilitatis violas.

Responsoria.

1. Vir indutus lineis
Atramento femoris
Pinxit tau crucis in fronte
Inebrians cruoris fonte
Moerentis in vinculis.
V. Angelus exterminator,

Ubi vidit Tau signatos,
Signo postes consecratos,
Impunitos deserit.

2. O sacratum corpus Christi,
Qui tot poenas pertulisti,
Vulneratum, lanceatum,

Diris vinclis coartatum,
Ciba nos in hora mortis,
Reseratis regni portis

Introduc ad gaudia,
V. Ubi beatorum animae
Perenni beatitudine

Feliciter jucundantur.

3. Vidi regem coronatum

Multo diademate,
Clara stola candidatum

Purpurata sanguine,
Quem in albis sequebantur

Coelestes militiae,
Regi regum concinentes

Canticum laetitiae.
V. ''Laverunt stolas suas et can-
didas eas fecerunt in sanguine
agni.''

In Laudibus. -
Antiplionae.

1. Dominus rex gloriae,
vulnerum cruore
Purpuratus, hodie
vestitur decore.

2. Jubilet ecclesia

Christo redemptori,
Qui pro ipso voluit
vulneratus mori.

3. Auctor vitae ''Sitio
''profatur in cruce,
Liber a supplicio
quod regnes in luce.

4. Benedicant Dominum
omnes creaturae,
Qui pro nobis voluit
vulnerari dure.

5. In chordis et organo

Christum regem caeli
Collaudemus adorantes
pectore fideli.

Ad Benedictus.

A. Benedicta benedicti

Salvatoris vulnera,
Per quae vinculis adstricti

Libertatis munera
Consecuti sunt, abluta

Criminum contagia,
Vera vita morte trita

Praestatur et gratia.

Per Horas.
Ad Primam.

A. Haec est dies inclita,
Quae Christi memoria

Vulnerum habetur,
Per mundana climata
Militans ecclesia

Festive laetetur
Et praeclara stigmata
Christi laude debita

Digne veneretur.

Ad Tertiam.

A. O fons indeficiens

Summae voluptatis,
Angelos reficiens
Proles deitatis,

Per beata vulnera
Sacrae passionis

Nos supernis applica
Post cursum agonis.

Ad Sextam.

A. Sex millena sexcentena

Vulnera beata,
Sexagena atque sena

Illis aggregata,
Nobis a perenni poena

Sint tutela grata.

Ad Nonam.

R. Agno vulnerato

de pura virgine nato
Cum prece devota
modulizet concio tota.

V. ''Adoramus te, Christe, et
benedicimus tibi, quia per
pretiosa vulnera redemisti
mundum.''

In 2. Vesperis.
Ad Magnificat.

A. Hodie coelesti sponso

jubilet ecclesia
Pro suorum et sacrorum

vulnerum memoria,
Sex millena sexcentena

numerosa gratia
Sexagena atque sena

post vitae curricula
Paradisi ad amoena

nos perducant gaudia.