5. De frigore.

Frigus etiam duplex : est enim frigus

constringens plus potens constringere quam sol elevare vel evocare. Et hoc impedit omnem evaporationem constringens poros terrae et superficiem aquae, et ut radius, solis incidens in eam, non possit attrahere.

Est etiam frigus temperatum continens quidem solem ne incendat, sed non prohibet ne evocet. Et hujus item causa est latitudo regionum a via solis et motus solis secundum latitudinem ab aequinoctiali in Meridionalem plagam : tunc enim sole existente circa tropicum hyemalem, scilicet in Sagittario, Capricorno, Aquario, valde removetur a climatibus variis. Et ideo radii sui non nisi valde oblique respiciunt habitationem illorum climatum. : quapropter vincit frigus in iocis illis, et abscinditur a vapore ex constrictione superficierum terrae et aquae.

Hoc igitur dictum est de causis efficientibus vapores.