5.

Purificatio.

1. Toto cordis serio

Psallat melodia,

Vacans ministerio

Gaudeat mens pia

Magno desiderio,

Cum de puerperio

Yenit Christi dia

Genitrix Maria.

2. Dat purificatio

Nomen huic diei,

Potior sed ratio

Fuit matris Dei

Legis observatio,

Nam contaminatio

Cujuscunque rei

Non adhaesit ei.

3. Virginis clementia

Moysis mandatis

Cum obedientia

Facere vult satis,

Ut.in hac praesentia

Vitae cum fruentia

Quivis a peccatis

Se purget patratis.

4. Solatorem mentium

Cum devotione

Poenas patientium

Ad templum matronae

Portant, hic pro gentium

Advenit gementium

Revelatione

Teste Simeone.

5. Jesus Dei filius,

Modo praesentatus,

Templo fit humilius

Ut humanus status

Parere facilius

Discat et sit vilius

Crimen et reatus

Tollere paratus.

6. Simeonis lectio

De Christo vult scribi,

Quod est resurrectio

Refraenata sibi,

Gladii trajectio

Poenaeque connexio

Virgo fuit sibi

Sicut pater Ibi.

7. Mater plena gratiae.

Coelica regina,

Facias nos facie

Perfrui divina,

Nec sua nos acie

Gratia fallaciae

Cohors Sathanina

Mergat In sentina.