4. In Epiphania Domini.

1. ''Quem non praevalent

''propria

magnitudine

2. C''aeli, terrae, atque

''maria

amfisaepire,

3. De virgineo

natus utero

ponitur in praesaepio ;

4. Ut propheticus

sermo nuntiat,

stant simul bos et asinus.

5. Sed oritur stella lucida,

praebitura

Domino obsequia,

6. Quam Balaam ex Judaica

orituram

dixerat prosapia.

7. Haec magorum oculos

fulguranti lumine

praestrinxit providos

8. Atque ipsos praevia

Christi ad cunabula

perduxit vilia.

9. Illi at exiguis

adorant obsitum pannulis

10. Offerentes regia

aurum, tus et myrrham munera.

11. Ipsa sed tamen mysticis

non carent munera figuris :

12. Aurum ut regi, tus Deo

et magno offerunt sacerdoti,

13. Atque myrrham

in sepulturam.