▾
AnHym Author, Analecta Hymnica – XLI B. Boncore De Sancta Victoria
⎗←→⎘
▾
XLI b. BONCORE DE SANCTA VICTORIA.
1. Hymnus primus de Deo patre.
3. Hymnus alius ad laudem Dei.
4. Hymnus alius ad laudem Dei.
5. Hymnus de Christo filio et de natione eius.
6. Hymnus alius de Nativitate Domini.
8. Hymnus de Passione Christi.
9. Hymnus de passione Christi.
11. Hymnus de Morte et Resurrectione Christi.
12. Hymnus alius de Resurrectione Christi.
14. Hymnus de Ascensione Christi.
17. Hymnus brevis de Trinitate.
20. Hymnus de sacramento seu corpore et sanguine Christi.
24. Hymnus de Domino nostro Iesu Christo.
25. Hymnus de corpore et sanguine Christi.
27. Hymnus de eodem sacramento.
29. Hymnus de Deo loquente ad nominem.
34. Homines dicunt Deo Domino.
39. Hymnus de Conceptione B. M. V.
40. Hymnus alias de Conceptione eiusdem virginis.
41. Hymnus de beata et gloriosa Dei genetrice Maria.
42. Hymnus alius de eadem domina gloriosa.
45. Hymnus alius de beata M. V.
48. Hymnus ad beatam virginem Mariam.
50. Hymnus de ecclesia sancta Dei, quae est in figura beatae Mariae virginis, matris Christi.
51. Hymnus alius de ecclesia sancta Dei.
52. Hymnus de sancto papa, domino mundi huius.
54. Hymnus de sancto Benedicto, praesente papa.
58. Hymnus de virgine et casto.
61. Hymnus de regularibus et inprimis religiosis.
65. Hymnus de anima et spiritu.
67. Hymnus de contemplativis virtutibus.
69. Hymnus de caritate et elemosyna.
72. Hymnus de congitatione et regimine.
73. Hymnus de coninnctivis virtutibus.
75. Hymnus de pace et eius virtute.
77. Hymnus de condicione humana.
79. Hymnus de activis virtutibus seu cardinalibus.
81. Hymnus alius de prudentia.
82. De virtutibus et earum effectu aliquali.
83. Hymnus contra vitia et peccata.
85. Hymnus seu communis oratio.
86. Hymnus de alipali cognitione hominum et rerum.
87. Hymnus de cognitione et regimine.
88. Hymnus alius de cognitione et regimine.
91. Hymnus de condicione senis et iuvenis.
94. Hymnus alins de cognitione et condicione humana.
97. Hymnus seu oratio ad Deum.
98. Hymnns de cognitione et regimine.
101. Hymnus communis orationis et humiliationis ad Deum, qui dicitur esse in quolibet homine.
102. Hymnus de virtute cognitionis et regiminis, quae summa dicitur.
103. Hymnus alius super eodem.
104. Hymnus alius de cognitione.
105. Hymnus, quod quilibet se reducat ad Deam.
107. De contritione, confessione et paenitentia.
109. Hymnus ad regulam aliqualem tenendam.
110. De cura rei familiaris Hymnus, quod quilibet se cognoscat
113. Hymnus alias de uxore seu muliere.
118. Hymnus seu oratio ad Deum.
120. [Hymnus sine inscriptione].
121. Hymnus de mundi finali iudicio.
122. Hymnus, ut quis se praeparet ante tempus.
123. Hymnus alius super eodem.
1. Tu, Deus, es sanctissimus,
Tu facis mirabilia,
Tu solus es altissimus,
Tu facis durabilia,
Tu solus beatissimus,
Tu facis notabilia.
2. Tu solus clementissimus,
Tu facis amabilia,
Tu solus potentissimus,
Tu facis terribilia,
Tu solus es humillimus,
Tu respicis humilia.
3. Tu solus dilectissimus,
Tu facis placabilia,
Tu es virtuosissimus,
Tu manes in victoria,
Tu super omnes maximus
Tu facisque magnalia.
4. Tu, Deus, nobilissimus,
Tu das aeterna gaudia,
Tu verus Deus, Dominus,
Tu solus potens omnia,
Tu solus es fortissimus,
Tu manes in constantia.
5. Tu solus es clarissimus,
Tu praebes luminaria,
Tu solus es gratissimus,
Tu muneras servitia,
Tu solus es latissimus,
Tu summa sapientia.
6. Tu solus prudentissimus,
Tu regis providentia,
Tu solus perfectissimus,
Tu facis sanabilia,
Tu es excellentissimus,
Tu retines caelestia.
7. Tu es sapientissimus,
Tu plenus es scientia,
Tu laude es dignissimus,
Tu plenus omni gloria,
Tu manes lucentissimus,
Tu facis nigra splendida.
8. Tu es mansuetissimus,
Tu fortis patientia,
Tu fidus, fidelissimus
Tu mandasque fidelia,
Tu totus es purissimus
Tu facisque nobilia.
9. Tu summus, felicissimus,
Tu donasque felicia,
Tu nobis sis piissimus,
Tu lauda nos clementia,
Tu miserator omnibus,
Nos reple tua gratia.