3. In Nativitate Domini.

1. Omnis orbis

resonet in cantico,
Cantu caeli

resonent angelico.
Rosae crescit

surculum in Iericho
Fructu nato deico
Lumine mirifico
Ventre de Davidico.
Iam peperit Elisabeth,
Iam filium vetus habet,
Qui viam lucis praeparet,
Qui descendit in Nazareth.

2. Panis vivus

proficiscens peregre
Non mortalis

fieri tulit aegre,
Domus intrat

claustra, domus integrae.

Non amisso numine

Exit sine semine

Incorrupto limine.
Sicut praedixit Gabriel,
Iam natus est Emmanuel,
Iam colles fluunt lac et mel,
Iam ex Iacob fit Israel.

3. Homo laesus

agmine vulnifico,
Ierusalem

descendens in Iericho,
Sacerdote

prius et Levitico
Valle iacens publico,
Praetermissus illico
Diu sine medico,
Iam convalescit alacer,
Iam non iacet semilacer,
Iam venit sanctorum sacer,
Qui latronem domat acer.