5. De Effusione Sanguinis DN.

In 1. Vesperis.

Ad Magnificat.

A. O Christo haec plebs addita

Et ejns dono praedita,

Jucunderis hodie,

Tota sis devota,

Erumpens in jubilum

Depone mentis nubilum,

Tempus est laetitiae,

Cura sit semota.

Omnes terrae populi

Laudent auctorem saeculi,

Per quem tanto gratiae

Signo gloriantur.

Ad Magnitutinum.

Invitato rium.

Regi, qui regit omnia,

Christo confiteamur,

Sacra cujus insignia

Redempti veneramur.

In 1. Nocturno.

Antiphonae.

1. Reges ut vasa figuli

In fine confiingentur,

Qui summi regis aemuli

Sanguinem non verentur.

2. Adversus Dei filium

Plures insurrexerunt,

Nocentes in innoxium

Cruorem effuderunt.

3. Beati, quorum oculi

Praesentes contemplantur,

Quod tot terrarum populi

Absentes venerantur.

Responsoria.

1. Redemit nos in brachio

sancto suo Dominus.

Animas nostras redimens

de inferni manibus,

Cum ad ima inclinatus

servi formam accepit.

V. Nostra ad summa unctio

Natura sumpta humana

Haec est inclinatio.

2. In pace nostram animam

redemisti, Domine,

Mortem sustinens acerbam

maxima caritate,

Qua nemo potest majorem

nec similem habere.

V. Per hanc tuam passionem

Pacis salutis aeternae

Capaces nos fecisti.

3. Quae plasmator non rapuit,

suo solvit sanguine,

Quo nos a peccatis lavit,

ut consortes gloriae

Cum electis in patria

nos faceret in fine.

V. Animam suam pro grege

Pie dare voluit,

Ut expertes miseriae.

In 2. Nocturno.

Antiphonac.

1. Sanguini, quem gens impia

Latere fudit Christi,

Devotum cum laetitia

Impendamus honorem.

2. In tua, Jesu, requie

Nos tecum gaudeamus,

Cujus sanguinem hodie

In terris honoramus,

3. Christi latere percusso

Sanguis fluxit salutaris,

Christicolis venerandus

Atque magnificandus.

Responsoria.

1. Lux, ecce, fulget hodie

Magnae solemnitatis,

Laudes exsolvantur piae

Datori bonitatis,

Ne tanta dona gratiae

Collata -sint ingratis.

V. Laete psallat ecclesia,

Laudans regem gloriae

Pro donis sibi datis..

2. In Phase, quod praecipitur

Moyses immolare,

Sub agni typo creditur

Lex Christum designare,

Hujus sanguis effunditur

In Phase salutare.

V. Hoc aspersus non laeditur,

Nam ad eum non sinitur

Percussor penetrare.

3. Christus in patris vinea

Pro nobis vapulavit,

Dum fructum gens erronea

Petitum denegavit,

Insontis latus lancea

Crudelis perforavit.

V. Felix cuspes est ferrea,

Qua confossus a framea

Fideles liberavit.

In 3. Nocturno.

Antiphonae.

1. Nos tecum, judex saeculi,

Fac demum gloriari,

De tuo sacro sanguine,

Quos inundas, laetari.

2. Praeclaro post sanguine

Nos ditavit hodie,

Qui pedibus imaginis

Separatis effluxit.

3. Digne chorus fidelium

Sanguinem veneretur,

Quo redemptura a crimine

Se vere confitetur.

Responsoria.

1. Pii Dei clementia

Non ex suis operibus,

Sed ex misericordia

Impios justificavit

Eosque salvos effecit

Benignitate sua ;

V. Sic ipsos de interitu

Tollens misericorditer

Dedit coeli gaudia.

2. Cruoris instet laudibus

Clerus, quem Christus san-

guine

Effuso consecravit,

Quem effundens salubriter

Pro mundi se peccamine

Piaculum donavit.

V. Sic pius se ab impiis

. .. sine crimine

Supplicium portavit.

In Laudibus.

Antiphonae.

1. Dono praeclaro praediti

Thesauri nobis crediti

Teneremur actorem,

Qui nobis arma contulit,

Quibus humani perculit

Generis oppressorem.

2. Haec lux cum laetitia

Celebris agatur

Et in Christi gloria

Prorsus impendatur.

3. Jesu, redemptor saeculi,

In tuis semper seduli

Praeceptis vigilemus,

Ne segnes operarii

Frustremur spe denarii,

Cujus pignus tenemus.

4. Sancta Dei dextera,

Benedicant opera

Cuncta creatorem,

Qui dat nobis munera

Ad salvanda vulnera,

Crucem et cruorem.

5. Terrae reges et populi

Laudent omnes et singuli

Sedentem super thronum,

Quod immensa datio

In hoc de sacro loco

Sit lapsis remedium.

Ad Benedictus.

A. Ortus ante saecula

Nos in servi formula

Christus visitavit,

Nobis dans signacula,

Quibus dira vincula

Mortis dissipavit.

In 2. Vesperis.

Ad Magnificat.

A. Pie Jesu, rex omnium,

Finis atque principium

Hujus solemnitatis,

Post festa temporalia

Nos perducas ad gaudia

Tuae perennitatis.