▾
Francis of Assisi, Admonitio Et Orationes
⎗←→⎘
▾
Beati patris ad fratres admonitio.
Sapientiae, simplicitatis, paupertatis, humilitatis, charitatis, obedientiae laudes.
Orationis dominicae expositio.
Beati patris in conversionis suae primordio oratio.
Oratio horis canonicis praemittenda.
Beatae Mariae virginis salutatio.
Beati patris pro paupertate obtinenda oratio.
Oratio, quam dicere solebat, quando sacerdos sanctissimum Christi corpus elevabat.
Beati patris pro commendanda sua familia oratio, quum generalatu se abdicaverat.
Tu es sanctus Dominus Deus, tu es Deus deorum, qui solus facis mirabilia. Tu es fortis, tu es magnus, tu es altissimus, tu es omnipotens, tu es pater sanctus, rex coeli et terrae, tu es trinus et unus Deus, tu es bonus, omne bonum, summum bonum, Domine Deus, unus et verus. Tu es amor et charitas, tu sapientia, tu humilitas, tu es patientia, tu es pulchritudo, tu es securitas, tu es quies, tu es gaudium, tu es spes nostra et laetitia, tu es justitia et temperantia, tu es fortitudo et prudentia, tu es omnes divitiae ad sufficiendum, tu es mansuetudo, tu es protector, tu es custos et defensor, tu es refugium nostrum et virtus, tu es fides, spes et charitas nostra, tu es magna dulcedo nostra, tu es bonitas infinita, magnus et admirabilis, Dominus Deus meus omnipotens, pius, misericors et salvator.