LIBER JOSUE.

Et factum est post mortem Moysi .

Domina Angelorum, Mater Dei, est terminus haereditatis nostrae. Josue, i, 2 et seq.: Dixit Dominus ad Josue, id est, omni servienti Deo : Omnem locum, qui sursum est (Dominus non vult dare eis locum in terris, qui vilis est, sed sursum, qui est optimus, et hoc quia diligit nos) quem calcaverit vestigium pedis vestri, vobis tradam..., a deserto et Libano usque ad fluvium magnum, Euphraten, id est, Mariam. Nota utilitates magni fluvii, et adapta. Et usque ad mare magnum, id est, usque ad Christum qui comparatur mari magno, erit terminus vester. Glossa : " Ut non solum efficiaris haeres Dei, sed cohaeres Christi. "

Item, Ipsa est evasionis fenestra. Josue, ii, 17 et 18, dixerunf exploratores ad Rahab : Innoxii erimus a juramento.., si signum non fuerit funiculus iste coccineus. Glossa : id est, sanguine suo rubricatus : et ligaveris eum in fenestra, per quam dimisisti nos.

Ipsa est etiam fenestra, quae per funiculum, id est, per Filium suum, peccatores, ut evadant, dimittit, et justos attrahit.

Item, Ipsa est arca ostensionis directae viae in caelum : unde festinanter eam sequi debemus. Josue, iii, 6, dixit Josue, id est, Christus : Tollite arcam foederis, et praecedilepopulum: arca enim antecedet nos in caelum ascendendo, locum praeparando, pro nobis advocando, nos ad se trahendo per Jordanem.

Josue, IV, 10 et 11 : Festinavitque populus et transiit. G lossa : " Non otiose, non remisse nobis agendum est: sed omnia festinanter transeunda. " Cumque transissent omnes, licet quidam facillime, sed tamen omnes in ipsam spem auxilii figentes, transivit et arca Domini, Ipsa enim praecedet nos propter aliqua, et subsequetur propter quaedam.

Item, Ipsa est clypeus defensionis, quantum ad nos, et clypeus interfectionis, quantum ad daemones. Josue, viii, 18 et seq.: Dixit Dominus, scilicet Pater, ad Josue, Christum Filium suum : Leva super omnem creaturam puram in sanctitate, dignitate, pietate, utilitate, clypeum, id est, Mariam, peccatorum defensatricem, daemonum impugnatricem, qui in manu tua est, contra urbem Hai, G lossa: " Hai interpretatur chaos, vel habitaculum eorum, id est, daemonum, qui in abysso regnant. Cumque elevasset clypeum, id est, Mariam, in annuntiatione ipsam in matrem assumendo, et in assumptione secum in throno collocando, non contraxit manum, quam in sublime porrexerat, tenens clypeum, id est, Mariam, nobis in consolationem, diabolo in occisionem, et peccatis in deletionem, donec interficerentur omnes habitatores Hai. G lossa : " De quibus nullum debemus relinquere, sed omnes interimere. "

Item, Ipsa est sol, ad juvandum omnibus fidelibus. Josue, X, 13 : Steterunt sol et luna, donec ulcisceretur se sig. ens de inimicis suis. G lossa : visibilibus, et invisibilibus. Stetit itaque sol in medio coeli, ei non festinavit occumbere. G lossa: " semper oritur fidelibus. "

Item, Ipsa est civitas refugii. Josue, xx, 1 et seq., ad quam fugere debet, qui effugere cupit mortem,

Item, Ipsa est altare testimonii nostri. Josue, XXII, 26 et seq., dixerunt filii Ruben et sig. ad : Exstruamus nobis altare, id est, Mariam, infinitae magnitudinis, in misericordia, in bonitate, in humilitate, in largitate, in Filii Dei conceptione, in testimonium liberationis, libertatis, et haereditatis coelestis, ut juris nostri sit offerre, et holocausta, et victimas, ei pacificas hostias : et nequaquam dicant cras filii vestri filiis nostris : Non est vobis pars in Domino. Et vocant altare, Testimonium nostram, quod Dominus ipse sit Deus. Hoc altare exstructum est in conceptione, sanctificatum in utero, aedificatum in incarnatione, in assumptione.