5. De Passione Domini.

1. Ave, Jesu Christe,

qui pro humana salute

de Maria virgine

nasci voluisti.

2. Ave, Jesu Christe,

qui pro mundi redemptione

flebili morte in cruce

mori voluisti.

3. Ave, Jesu Christe,

qui a Judaeis

reprobari

et a Juda osculo

tradi voluisti.

4. Ave, Jesu Christe,

qui vinculis

adligari

et ut agnus innocens

''ad victimam

''duci voluisti.

5. Ave, Jesu Christe,

qui in conspectu Pilati

praesentari

falsisque testibus

accusari voluisti.

6. Ave, Jesu Christe,

qui flagellis et opprobriis

molestari,

conspui spinisque

coronari voluisti.

7. Ave, Jesu Christe,

qui in cruce levari

''et inter latrones

''condemnari

clavorumque aculeis

perforari voluisti.

8. Ave, Jesu Christe,

qui felle et aceto

potari

et lancea propter nos

vulnerari voluisti.

9. Supplicamus

ergo te, Domine

Jesu Christe,

conditor gentis humanae

et filius virginis Mariae,

10. Da nobis miseris

peccatoribus

''te perfecte

''diligere,

in te vere credere

et fine bono decedere.

11. Da nobis

te, lumen, in lumine

aeternaliter videre

et te in praemium

sempiternum possidere.

12. Da nobis

tecum conregnare

''et te in regno tuo

''sine fine laudare,

benedicere

et glorificare.