5. Hymnus de Christo filio et de natione eius.

1. Annuntiante angelo

Carnem, Christe, suscepisti,
Ut salus esset populo,
Ad hoc quippe descendisti,
Sociaris (ab) archangelo,
Pauper esse voluisti.

2. Orto sidere iam lucis
Ac stella in oriente
Christus gerit signum crucis
Ipso vitam referente
Nobis omnibus caducis,
Cunctis eo relucente.

3. In virginali utero

lesus Christus tu conceptus,

In ventre beatissimo

Tu sanctissimus perfectus,

Ut vita esset populo,

Tu prae cunctis es electus.

4. Tu, Christus, admirabilis
Et purissime tu gerens,
Prae cunctis tu amabilis
Et sanctissima tu loquens,
Tu semper es durabilis
Et tu cuncta bona docens.

5. Virtutum es primordium,
Tu ferens omnem gratiam,
Tu lux. et lumen cordium,
Tributa tibi faciam,
Tu es repulsor sordium,
Fac, ut in bono iaceam.

6. Inclinamur tuae laudi
Nos tuaeque potentiae,
Cantamus tibi [de] grandi,
Maiori sapientiae,
Tu es auctor nos sanandi
Et plenus fons clementiae.

7. Christum omnes adoremus,
Ante Christum procidamus,
Cantum novum nos cantemus
Et pro rege teneamus,
Tibi Christo exsultemus,
Ei soli serviamus.

8. Natus mundi est salvator,
Qui lucens servos redimet,
Ipse orbis luminator
Et inimicum deprimet,
Hic cunctorum est curator,
Nos salvos omnes faciet.

9. Est ortum lumen lucidum,
Nostros oculos illustrans,
Dat Christus natus fulgidum,
Hic lites nostras terminans,
Lucescit ipse turbidum,
Hic nos informans, resanans.

10. Sol ortus est iustitiae,

Splendens de caelo veniens,
Totius est potentiae,
Lucemque vitam conferens,
Hic radix est clementiae,
Nos ab inferno redimens.

11. Haec est illa sancta dies,
In qua corde nos laetemur,
Exaltatur nostra fides,
Salvatorem confitemur,
Est illata nobis quies,
Christum sanctum veneremur.

12. Stella iam ab oriente
Apparuit pastoribus,
Ea stella praelucente
Iam magis oratoribus,
Eos certe conducente
Ad Christum cum muneribus.