5. In Transfiguratione Domini.

1 a. Formam mortalitatis
obscuram
transfiguras, Christe,
in splendidam
immortalitatis formam.

1b. Non figuram in alteram
mutat
transfiguratio,
sed eiusdem
formae meliorem statum.

2 a. Non lucem divinae formae
discipulis repraesentat,
sed splendorem
circumscriptum;

2 b. Haec est lux humanitatis,
nam immensae deitatis
lucem nemo
vidit unquam.

3 a. Corporis

claritatem repraesentat

in monte,

in quo sunt transfiguranda

3 b. Corpora

sanctorum ; hereditatis

gloriam

revelabit in futuro.

4 a. Cuius vultum intuentes
iusti laetabuntur

4b. Ad hanc gloriam videndam
et conspiciendam.

5 a. Quo Deus

perducat instabiles
et infirmos,

5 b. Ex nobis

semper cadentes servos
inutiles.