6. De Corpore Christi.

In 1. Vesperis.
Super Psalmos.
Gaude, felix

mater ecclesia,
Novae laudis

agens solemnia,
Tota mentis

plaude laetitia
Redemptoris

laudans magnalia,
Inter quae cuncta

plus considera,
Mira quae fecit

in coena opera.

Ad Magnificat.

A. Magnificent animae

Fideles Christum Dominum,
Qui justis famelicis

sacrum dat convivium,
Dimittens inanes divites

gerentes hinc fastidium.

Ad Matutinum.
Invitatorum.
Adsunt dominicae
mensae deliciae,
Plaudunt ecclesiae
cantu laetitiae.

In 1. Nocturno.
Antiphonae.
1. Panis novus et coelicus
Missus in fine saeculi,
Patris aeterni filius
est cibus suavitatis.
2. Hic, a sacerdotibus

Dum missa celebratur,
In eorum manibus
Transsubstantiatur.

3. Hoc sacramentum Dominus
Instituit in coena,
Cui sedit cominus
Turba duodena.

4. Sub legis Dei regula
Mens justa sit et sedula,
Saginata dulcedine
De carne Christi et sanguine.

5. Agonizans post coenam Dominus
Morte factus jam proximus
Cruorem fudit cum precibus.

6. Pernox tunc Christum proprium
Tradebat Judas dominum,
Post corporis edulium
Crudele reddens osculum.

Responsoria.

1. Mundos vocans
ad suas epulas,
Hora coenae,

detestans crapulas,
Suam Jesus

dat carnem ferculum,
Cruorem poculum.
V. Digna sane et munda
Vita requiritur,
Ubi esca tam sancta
Mandi praecipitur.

2. Data mundo

pro mundi gloria
Mira Christi

sunt beneficia,

Morbos, mortem

fugat et vitia

Sumpta eucharistia.
V. Vitam justis

confert edulium,
Malis mortem

infert et judicium.

3. Paupertatis

incedens semita,
Cuncta mundi

detestans crimina,
Dignus frui

est Christi hostia,
Inter poli

locandus agmina.

V. Nocte agnus

legalis manditur,
Culpae umbra

Christi luce pellitur.

4. Verbum vitae

in mensa loquitur,
A se ipso

panis conficitur,
Confectus sic
Iesus sumitur,

Salus hinc nascitur.
V. Post in mortem

a fratre traditus,
Surgens vivit
illaesus penitus.

In. 2. Nocturno.
Antiphonae.

1. Sitiebat Christus

salutem hominum,
Suo sanguine sitis

nostrae sedans incendium.
2. Migrans Christus fratribus
Vitae firmamentum
Corporis et sanguinis
Tradit sacramentum.

3. Liber omni vitio

Gustet hic fidelis,
Quem post pleno gaudio
Videat in caelis.

Responsoria.

1. Panis descendens coelitus
Mentis supplet inopiam
Vitamque reddens penitus
Dat gratiarum copiam.
V. Signo crucis de
panis materia
Virtute verbi
fit eucharistia.

2. Felix caro,

de cujus epulo
Tanta salus

redundat saeculo
Et sanguinem

propinans populo
Vitali poculo.
V. Ex ubertate gratiae
Tales dantur deliciae.

3. Ascendentem

Christum de hac miseria
Prosequamur

per sancta desideria,
Vadit orare

pro nobis in patria,
Manens pascit

nos eucharistia.
V. Per quem tale

nobis datum est promissum:
Vado semper

mansurus vobiscum.

4. Granum florens in fertili
Agro ventris virginei,
Sacro satum spiramine,
Poenae tritum gravamine,
Pro amoris signaculo
Fit panis in coenaculo.

V. Flos est pulcher
puris adspectibus,
Panis sanus

mundis affectibus.

In 3. Nocturno.
R esponsoria.

1. Memor fuit testamenti

Dominus rex gloriae,
Se dat escam sacramenti

Dignus, ut aporiae
Mors necetur et purgetur

Vita zyma scoriae.
V. Ut nunc rerum facie

Gerimus per Jesum,
Ipsum mentis acie

Vitae scimus esum.

2. Vere Joseph tunica

Mire polymita
Passione punica

Nobis redimita,
Hac vestimur unica

Nunc et poli vita.

V. Summe pater gloriae,
Corpus tui nati
Vestis est munditiae,
Qua sumus renati.

3. Vive panis, qui divisus

tamen non dividens,
Qui eum sancto spiritu ct

patre unum crederis,
In te uni, per te muni,

quos uno pane reficis.
V. Quod in nobis habitas,

verbum caro factum,
Ex Maria nasceris,

quae viri nescit tactum.

4. O spem miram, quam dat Jesus

Suis largus famulis,
Olim caesus, nunc illaesus

Cum ministris angelis
Vivus manet, quamvis esus

Hic in tabernaculis.
V. Invitati festinemus

Ad regis praesentiam
Et pro datis nobis gratis

Sibi reddamus gratiam.

In Lau dibus.

Super Psalmos.

A. Vere digna hostia
Deus, corpus et anima,
Natura duplex, substantia
Trina, personona unica.

Ad Benedictus.

A. Benedictus

salvator hominum
Salutare

ipsis dans epulum

Corpus suum

ministrat ferculum.

Per Horas.

Ad Primam.

A. Quando sumunt Dominum
Hic unus, ibi mille,
Quantum turba plurium,
Tantum sumit ille.

Ad Tertiam.

A. Hostiarum cumulus

Multarum dum sacratur,
Non sub formis pluribus
Christus multiplicatur.

Ad Sextam.

A. Effectu sumunt vario
Impius et justus,
In primo mors, in alio
Est vitalis gustus.

Ad Nonam.

A. Masticatur Dominus
Nec dilaniatur,
Semper manet solidus,
Cum species frangatur.

In 2. V esperis.
Ad Magnificat.

A. O panis eucharistiae,

Cibus sanitatis,
Pius dator veniae,

Culpas laxa gratis,
Pacis et concordiae

Donis confirmatis
Finem fac miseriae,

Nos junge beatis.