Articulus 3B

Argumentum 1

Ulterius quaeritur, utrum sit scientia; et videtur quod non. Nulla enim scientia est de particularibus, secundum philosophum.

Sed in sacra Scriptura gesta traduntur particularium hominum, sicut Abraham, Isaac etc.. Ergo non est scientia.

Argumentum 2

Praeterea, omnis scientia procedit ex principiis per se notis, quae cuilibet sunt manifesta.

Haec autem scientia procedit ex credibilibus, quae non ab omnibus conceduntur. Ergo non est scientia.

Argumentum 3

Praeterea, in omni scientia acquiritur aliquis habitus per rationes inductas. Sed in hac doctrina non acquiritur aliquis habitus: quia fides, cui tota doctrina haec innititur, non est habitus acquisitus, sed infusus. Ergo non est scientia.

Sed Contra 1

Contra, secundum Augustinum, theologia est scientia de rebus quae ad salutem hominis pertinent. Ergo est scientia.