8.
Omnium Sanctorum.

1. In hoc festo mente pura
Promens esto laudis jura,

Cleri congregatio,
Dies pius est sanctorum,
Non solius sed cunctorum

Cum sit celebratio.

2. Annus nescit sancto cuivis,
Qui quiescit et est civis

In coelesti patria,
Sparsim dare diem sanctum
Nec laudare, quamquam tantum,
Speciali latria.

3. Hinc videtur opportunum,
Ut donetur festum unum

Cunctis generaliter,
Dies sola datur cunctis
Nunc In scola coeli junctis,

Nam nescimus aliter.
4. Hinc Imprimis collaudata
Nunc sublimis sit beata

Sancta quoque trinitas,
Nobis dentur ut coronae,
Adorentur tres personae

Sed una divinitas.

5. Hinc Maria, stella maris,
Mente pia tu colaris

Cum turba virginea,
Hinc prophetae, patriarcliae,
Qui quiete nunc In arce

Gaudent Olympinea.
6. Teneretur post hoc pie.
Ut hoc decet In hoc die,

Cohors apostolica,
Hinc honorem meruerunt
Et cruorem effuderant

Pro fide catholica.

7. Hymnus sanctus, vox jucunda,
Novus cantus mente munda

Detur confessoribus,
Totus coetus adoretur,
Stygis metus ne donetur
Nobis peccatoribus.